Вы тут

Міхаіл Мясніковіч: Кааперацыйныя сувязі трэба развіваць


Такую думку спікер Савета Рэспублікі выказаў падчас сустрэчы са старшынёй праўлення карпарацыі Wеісhаі Grоuр Тан Сюйгуанам.

Сустрэча адбылася на мінулым тыдні ў Савеце Рэспублікі, у ёй таксама ўдзельнічалі міністр прамысловасці Беларусі Павел Уцюпін і генеральны дырэктар ААТ «БелАЗ — кіруючая кампанія холдынга БелАЗ — ХОЛДЫНГ» Пётр Пархомчык.


Фота БелТА.

— Мы рады, што ў новую эпоху беларуска-кітайскага супрацоўніцтва нашы краіны заўважна актывізавалі двухбаковыя кантакты на вышэйшым і высокім узроўнях, — падкрэсліў, адкрываючы сустрэчу, старшыня Савета Рэспублікі. Ён адзначыў, што, па выказванні лідара КНР Сі Цзіньпіна, двухбаковыя адносіны маюць «усепагодны» характар.

— Сапраўды, нам уяўляецца, што мы можам стварыць прапанаваную кіраўніком КНР супольнасць агульных інтарэсаў і адзінага лёсу, — упэўнены Міхаіл Мясніковіч.

Ён разлічвае, што супрацоўніцтва з групай кампаній Wеісhаі будзе паспяховае. У якасці партнёраў з беларускага боку прапанаваны вядомыя прадпрыемствы МАЗ, БелАЗ, «Гомсельмаш» і іншыя, знакавыя для эканомікі нашай краіны.

Дарэчы, супрацоўніцтва кітайскай карпарацыі з беларускімі машынабудаўнічымі прадпрыемствамі ўжо мае сваю гісторыю: яшчэ ў 2016 годзе было прынятае рашэнне аб стварэнні сумесна з Wеісhаі Grоuр вытворчасці рухавікоў унутранага згарання. З беларускага боку партнёрам выступіла ААТ «МАЗ». Мемарандум аб будаўніцтве завода быў падпісаны ў прысутнасці кіраўнікоў дзяржаў. Праект запусцілі ў Кітайска-беларускім індустрыяльным парку «Вялікі камень». Цяпер рухавікі, што вырабляюцца на новым прадпрыемстве, ужо пастаўляюцца на Мінскі аўтамабільны завод. Таксама дадзены старт будаўніцтву новага сумеснага завода ААТ «МАЗ» і карпарацыі Wеісhаі па вытворчасці каробак перадач.

Але гэта не адзіны партнёр з беларускага боку, з якім кітайскую карпарацыю яднаюць дзелавыя стасункі. Летась быў падпісаны мемарандум аб стратэгічным партнёрстве і супрацоўніцтве ААТ «БелАЗ» з Wеісhаі Hоldіng Grоuр.

— Я ўпэўнены, за гады супрацоўніцтва вы пераканаліся, што ў нас ёсць высокакваліфікаваныя і дысцыплінаваныя прамысловыя кадры, патрэбнае навуковае суправаджэнне, няма карупцыі і на заканадаўчым узроўні забяспечваецца абарона ўласнасці, — падкрэсліў Міхаіл Мясніковіч.

На яго думку, прамысловасць — гэта драйвер развіцця навукі, вытворчасці і інтэлектуальнага патэнцыялу краіны. Таму кааперацыйныя сувязі неабходна развіваць і надалей. Усе інструменты для гэтага, дарэчы, ёсць: стабільнае заканадаўства і прававыя асновы для бізнесу.

— Хацелася б пачуць вашы ацэнкі і прапановы: як развіваецца бізнес у вашых кампаніях у Беларусі, якія існуюць пытанні, пажаданні, якія варта было б прадугледзець у рамках нацыянальнага заканадаўства, ці якія патрабуюць прыняцця адміністрацыйных ці іншых рашэнняў дзеля рэалізацыі сумесных праектаў, — прапанаваў спікер Савета Рэспублікі.

Ён адзначыў, што для яго гэта важна і як старшыні назіральнага савета ААТ «БелАЗ», бо беларускі вытворца хацеў бы бачыць кітайскую карпарацыю ў якасці свайго надзейнага партнёра ў Паднябеснай і прапанаваў стварыць сумеснымі намаганнямі пункт апоры ў Кітаі па вытворчасці і рэалізацыі кар'ернай тэхнікі для патрэб рынку гэтай краіны і краін Паўднёва-Усходняй Азіі.

— Адначасова я прапаную нашы сумесныя праекты разглядаць як акно магчымасцяў для рэальнага напаўнення глабальнай ініцыятывы «Адзін пояс. Адзін шлях».

Тан Сюйгуан высока ацаніў узровень супрацоўніцтва з беларускімі партнёрамі, у прыватнасці, ААТ «БелАЗ»:

— Мы добра выканалі свае інвестыцыйныя абавязацельствы. Пацвярджэннем гэтага з'яўляецца здача ў эксперыментальную эксплуатацыю сумеснага праекта «Вейчай—БелАЗ», — падсумаваў ён.

Даведка «МС»

Wеісhаі — адна з найбуйнейных у Кітаі машынабудаўнічых карпарацый. Штаб-кватэра знаходзіцца ў горадзе Вэйфан правінцыі Шаньдун. Вытворчыя ж пляцоўкі размешчаны ў Кітаі, Паўднёва-Усходняй Азіі, а таксама Еўропе і Паўночнай Амерыцы.

Wеісhаі ўваходзіць у топ 500 кампаній Кітая, займаючы 84-ю пазіцыю, у топ 500 прамысловых прадпрыемстваў Кітая з 27-м месцам, а ў топе 500 машынабудаўнічых кампаній Кітая ёй адводзіцца 2-е месца.

Карпарацыя з'яўляецца адным з сусветных лідараў па вытворчасці рухавікоў, электрагенератараў, транспартных сродкаў і аўтамабільных кампанентаў. Wеісhаі Grоuр валодае сур'ёзнымі інвестыцыйнымі магчымасцямі і вопытам інвестыцыйнага супрацоўніцтва ў Еўропе.

Дарэчы, старшыня праўлення гэтай карпарацыі Тан Сюйгуан двойчы станавіўся Чалавекам года Кітая.

Вольга АНУФРЫЕВА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.