Беларусь з-за падатковага манеўру і забруджанай расійскай нафты недаатрымала ў экспартнай праграме каля $ 1,5 млрд. Аб гэтым паведаміў першы намеснік міністра замежных спраў Беларусі Андрэй Еўдачэнка перад пасяджэннем Прэзідыума Савета Міністраў, дзе разглядаюцца пытанні нарошчвання і дыверсіфікацыі экспарту, паведамляе БЕЛТА.
"За кошт падатковага манеўру, недапаставак нафтапрадуктаў, бруднай нафты мы ў нашай экспартнай праграме недаатрымалі прыкладна $1,5 млрд. З гэтай сумы 55% мы змаглі кампенсаваць за кошт нарошчвання экспартных паставак па іншых відах прадукцыі. Але трэба паглядзець рэзерв, дзе знайсці яшчэ палову да канца года", - сказаў Андрэй Еўдачэнка.
Праблемныя пытанні ўзнікаюць і пры дыверсіфікацыі экспарту. "У гэтым годзе роўна на долю 30% мы выйшлі на рынках далёкага замежжа. У частцы Расіі і рынку ЕС адбылося зрушэнне на карысць РФ у сувязі з той сітуацыяй, якую мы маем па рынку нафты і нафтапрадуктаў. Падатковы манеўр прывёў да ўзрастання долі Расійскай Федэрацыі і памяншэння рынку Еўрапейскага саюза за кошт страт па пастаўках нафтапрадуктаў ", - растлумачыў першы намеснік міністра.
Фота ў мініяцюры: vestifinance.ru
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
