Вы тут

«Луч» стварае лімітаваную калекцыю гадзіннікаў «Каштоўнасць часу»


Да 25-годдзя Беларускага дзіцячага хоспіса, якое арганізацыя адзначыць у лістападзе, Мінскі гадзіннікавы завод «Луч» стварае лімітаваную калекцыю гадзіннікаў «Каштоўнасць часу». Аўтар выявы на цыферблаце — скульптар, мастак Аляксандр Шапо, аўтар дызайну гадзіннікаў — вядучы дызайнер Мінскага гадзіннікавага завода Кірыл Кішчук.


У мінулую пятніцу ў выставачнай зале «Акадэмія» прайшлі прэзентацыя творчага праекта і адкрытая майстэрня. Падапечныя дзіцячага хоспіса пад кіраўніцтвам Аляксандра Шапо стварылі скульптурную кампазіцыю па эскізах мастака. «Луч» правёў майстар-клас, дзе хлопчыкі і дзяўчынкі адчулі сябе дызайнерамі, прыдумляючы малюнкі для цыферблата, даведаліся аб прафесіі гадзіншчыка і сабралі корпус сумесна з майстрам завода.

— Я ўбачыў лагатып хоспіса, і ў мяне нарадзілася ідэя зрабіць малюнак у выглядзе дрэва, на якім сядзяць птушкі. Бо ўсе людзі — гэта птушкі на дрэве жыцця, — тлумачыць задуму Аляксандр Шапо.

«Каштоўнасць часу» — назва не выпадковая. Філасофія хоспіса ў тым, каб цаніць час і дапамагаць цяжкахворым дзецям і іх сем'ям пражываць напоўненае жыццё незалежна ад таго, колькі яно працягнецца. Бо час — самая вялікая каштоўнасць, якая ў нас ёсць.

Алена КРАВЕЦ

Фота ў мініяцюры: belmarket.by

Загаловак у газеце: Каштоўнасць часу

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам спецыялістам Нацбанка

Тонкае мастацтва дабрабыту. Складаем сямейны бюджэт разам спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.