Вы тут

Пенсіянерка захоўвала ключ ад дзвярэй у кошыку, чым і скарыстаўся няпрошаны госць


У Буда-Кашалёўскі РАУС звярнулася 63-гадовая гамяльчанка. Яна паведаміла, што невядомы скраў з дачнага дома ў вёсцы Шырокае грошы, больш за 300 рублёў.


Фота: biletik.aero

Супрацоўнікі міліцыі, прыбыўшы на месца здарэння, высветлілі, што злодзей увайшоў у памяшканне дачы, скарыстаўшыся ключом, які гаспадыня захоўвала ў кошыку побач з дзвярыма. З жаночай сумачкі прапала 300 рублёў. Знік і магнітны трымальнік для манет, што ляжаў на халадзільніку.

Аператыўнікі хутка вылічылі, хто можа быць датычны да здзяйснення крадзяжу. Неўзабаве 35-гадовая жыхарка гэтай жа вёскі не толькі расказала, як пранікла ў хату, але і вярнула большую частку грошай. Астатняе паспела патраціць на прадукты харчавання і цыгарэты, паведамілі ў УУС Гомельскага аблвыканкама.

Сышчыкі правяраюць падазраваную, якая ў цяперашні час затрыманая, на датычнасць да здзяйснення аналагічных крадзяжоў, у тым ліку, на тэрыторыі іншых раёнаў Гомельшчыны.

Сяргей РАСОЛЬКА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».