Прапажу грошай 31-гадовы мінчанін выявіў, калі яму неабходна было разлічвацца за дастаўленыя для фірмы камп’ютары. Мужчына адразу ж звярнуўся па дапамогу да праваахоўнікаў.
Сышчыкі Партызанскага РУУС сталіцы ўстанавілі, што грошы скраў работнік, 29-гадовы жыхар горада, які нядаўна ўладкаваўся да індывідуальнага прадпрымальніка на фірму. Малады чалавек заўважыў, што працадаўца прыйшоў з буйной сумай грошай, якія прызначалася для куплі камп’ютараў. Сродкі мужчына пакінуў у кішэні курткі. Дачакаўшыся моманту, калі на працоўным месцы нікога не будзе, работнік дастаў грошы з кішэні і пайшоў. З выкрадзенымі сродкамі хлопец накіраваўся ў аэрапорт, дзе купіў квіток у Грузію, паведамляе ГУУС Мінгарвыканкама.
Устаноўлена, што зламыснік раней прыцягваўся да крымінальнай адказнасці за хуліганства.
Сяргей РАСОЛЬКА
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».