Хайнань запрашае!

Урад правінцыі Хайнань вырашыў правесці Год міжнароднага турыстычнага спажывання, перадае «Жэньмінь жыбаа» анлайн».

У гэты год (які стартаваў з пачатку кастрычніка) у паветах і гарадах правінцыі правядуць тысячу мерапрыемстваў і прома-акцый. Таксама будзе створана дзесяць тэматычных маршрутаў і дзесяць турыстычных пакетаў.

Апошнія тры месяцы гэтага года будуць асабліва насычанымі. Штомесяц будзе праводзіцца больш за 150 мерапрыемстваў. У кастрычніку правядуць фестываль шопінгу, карнавал пляжнага спорту, велагонкі вакол вострава, турыстычны фестываль. Затым у лістападзе будуць арганізаваны фэст забаў, кірмаш турызму і адпачынку, дэгустацыя смачных страў, музычны фэст і шэраг іншых найцікавейшых імпрэзаў.