Вы тут

​75 елак высаджаны на тэрыторыі мемарыяльнага комплексу «Трасцянец»


Акцыя стала данінай памяці больш за 200 тысячам чалавек, знішчаных нямецка-фашысцкімі захопнікамі ў 1941-1944 гадах у Трасцянецкім лагеры смерці.


У мерапрыемстве ўзялі ўдзел супрацоўнікі Цэнтральнага апарата Міністэрства прыродных рэсурсаў і аховы навакольнага асяроддзя разам с прадстаўнікамі Мінскага гарадскога камітэта прыродных рэсурсаў і аховы навакольнага асяроддзя, Адміністрацыяй Завадскога раёна г. Мінска. 75 маладых елак, высаджаных падчас акцыі, дапоўнілі своеасаблівую хваёвую алею, што размяшчаецца на тэрыторыі мемарыяльнага комплексу на перакрыжаванні вуліц Сяліцкага і Шабаны.

– Акцыі ў рамках глабальнай кампаніі «Добраўпарадкуем малую радзіму!» праходзяць для таго, каб уцягнуць як мага больш насельніцтва ў працу па навядзенні парадку – упарадкаванне двара, вуліцы, мікрараёна, раёна і ў цэлым нашай краіны, – адзначыў міністр прыродных рэсурсаў і аховы навакольнага асяроддзя Андрэй ХУДЫК. – Зялёныя гарады – гэта перш за ўсё чыстае атмасфернае паветра. Таму мы імкнёмся зрабіць так, каб пры высокай урбанізацыі людзі маглі дакрануцца да прыроды.

Далучыліся да акцыі на тэрыторыі мемарыяльнага комплексу і дэпутаты Палаты прадстаўнікоў Нацыянальнага сходу.

– На гэтым месцы мы штогод высаджваем дрэвы, займаемся ўборкай прылеглай тэрыторыі, як мінімум два-тры разы вясной і восенню бяром удзел у такіх мерапрыемствах, – расказаў дэпутат Палаты прадстаўнікоў па Аўтазавадской выбарчай акрузе Валерый КУРСЕВІЧ. – Гэта знакавае месца для ўсяго свету. Вельмі шмат тут загінула людзей у гады Вялікай Айчыннай вайны. Неабходна ўвекавечыць памяць пра гэта, падтрымліваць гэты комплекс у парадку. Для мяне гэта важна не толькі як для дэпутата Парламента, але і проста як грамадзяніна.


З 12 кастрычніка па 2 лістапада 2019 года ў глабальнай экалагічнай кампаніі «Добраўпарадкуем малую радзіму!» больш за 3000 працаўнікоў сістэмы Мінпрыроды зробяць свой унёсак у азеляненне краіны і высадзяць каля 30000 маладых дрэў (дубы, ліпы, бярозы, туі, елі) і больш за 1300 кустоў. Акцыі будуць праходзіць кожную суботу да 2 лістапада (уключна) у буйных населеных пунктах усіх абласцей краіны. Далучыцца да добрых спраў можа кожны. Для гэтага патрэбна падаць заяўку на ўдзел у акцыі на адрас электроннай пошты, пазначанай на сайтах абласных камітэтаў прыродных рэсурсаў і аховы навакольнага асяроддзя.

– Мы запрашаем усіх грамадзян, якія адносяцца з разуменнем да аховы навакольнага асяроддзя, выйсці і пасадзіць як мінімум адно дрэва ці куст у сваім горадзе ці вёсцы, двары ці вуліцы, – сказаў Андрэй Худык.

Міністр таксама падкрэсліў, што сёння робіцца ўсё магчымае, каб высаджаныя дрэвы прыжываліся і выконвалі свае функцыі. Дрэвы патрэбна не толькі паліваць, даглядаць іх, але і ахоўваць. А для гэтага неабходна ўсё больш і больш працаваць з насельніцтвам, весці выхаваўчую, асветніцкую, адукацыйную работу ў вобласці аховы навакольнага асяроддзя. Разам з навукоўцамі эколагі працуюць над тым, каб саджаць дрэвы ў тым біялагічным развіцці, у якім яны будуць лепш прыжывацца, выбраць правільнае месца для іх пасадкі і іншае.

Мэта глабальнай экалагічнай кампаніі «Добраўпарадкуем малую радзіму!» – унёсак кожнага ў добраўпарадкаванне раёна, жылога двара, найбліжэйшага парку ці сквера, вадаёма. Гэта можа быць пасадка дрэў ці хмызнякоў, фарбаванне агароджы і лавак, уборка смецця. Дадзеная кампанія ўключана ў Рэспубліканскую праграму мерапрыемстваў па правядзенні ў Беларусі 2018-2020 гадоў пад знакам Года малой радзімы.

Вераніка КОЛАСАВА

Фота аўтара

Выбар рэдакцыі

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.

Грамадства

Без чаргі і за лічаныя хвіліны. Як здаюць экспрэс-тэст на каранавірус

Без чаргі і за лічаныя хвіліны. Як здаюць экспрэс-тэст на каранавірус

З мінулага тыдня экспрэс-тэсціраванне на COVІD-19 даступнае ў многіх паліклініках краіны, у тым ліку і ў невялікіх гарадках і пасёлках гарадскога тыпу.