Вы тут

Самаму сталаму прэтэндэнту на кандыдацтва ў дэпутаты — 83 гады


Старшыня ЦВК Лідзія ЯРМОШЫНА падчас відэабрыфінгу, які зладзіў Нацыянальны прэс-цэнтр, расказала аб ходзе выбарчай кампаніі. Кіраўнік Цэнтрвыбаркама паведаміла, што камісія зарэгістравала 56 кандыдатаў у члены Савета Рэспублікі. Дакументы на рэгістрацыю ў кандыдаты ў дэпутаты Палаты прадстаўнікоў падалі 703 чалавекі. Яшчэ 34 камплекты дакументаў для ўдзелу ў выбарах у ніжнюю палату падаў Рух «За свабоду», аднак па законе грамадскія аб'яднанні не маюць права вылучэння кандыдатаў.


Самы вялікі конкурс — у Мінску, больш за восем прэтэндэнтаў на кандыдацтва ў выбарчай акрузе. Аднак Лідзія Ярмошына прагназуе, што не ўсе з іх будуць зарэгістраваныя пасля праверкі дакументаў акруговымі выбарчымі камісіямі. Дарэчы, пасля рэгістрацыі, якая завяршыцца 17 кастрычніка, роўна за месяц да выбараў, звесткі аб кандыдатах з'явяцца ў мабільнай праграме «Галасую!».

Эксперымент па выкарыстанні гэтай праграмы, распрацаванай БРСМ бясплатна, прайшоў летась у Мінску падчас выбараў у мясцовыя Саветы дэпутатаў. Сёлета распрацоўка распаўсюджана на ўсю краіну. Цэнтрвыбаркам запрашае грамадзян паведамляць аб недакладнасцях у праграме. Лідзія Ярмошына падкрэсліла таксама, што далёка не ўсе дзяржавы накіроўваюць выбаршчыкам неабходную інфармацыю і друкаваныя запрашэнні.

«Сёлетняя выбарчая кампанія ў парламент — вельмі актыўная. Колькасць прэтэндэнтаў (яшчэ да рэгістрацыі) большая, чым тры гады таму, і значна большая, чым у 2008 і 2004 гадах. Па сутнасці, мы вярнуліся да лічбаў 2000 года, калі былі вельмі яскравыя, вельмі альтэрнатыўныя парламенцкія выбары. Таму казаць, што «ў нас няма дэмакратыі», — недарэчна», — лічыць старшыня ЦВК.

Парламенцкія выбары — 2019, па словах Лідзіі Ярмошынай, не толькі альтэрнатыўныя, але эканамічныя і сацыяльныя. Кожны кандыдат можа ўдзельнічаць у выбарах бясплатна, яму даецца эфірны час і друкаваныя плошчы.

Кіраўнік Цэнтрвыбаркама паведаміла, што ў Беларусі сфарміравана амаль шэсць тысяч участковых камісій, 46 з іх утвораны за межамі краіны. Сярод членаў участковых камісій больш за ўсё прадстаўнікоў грамадскіх аб'яднанняў: прафсаюзаў, «Белай Русі», Саюза жанчын. Колькасць палітычных партый — удзельніц у выбарах у параўнанні з папярэдняй кампаніяй узрасла да дванаццаці.

Для назірання за ходам выбараў ужо акрэдытавана больш за 200 прадстаўнікоў Выканкама СНД і дванаццаць — ад АБСЕ. На наступным тыдні ў Беларусь прыедзе кіраўнік місіі назіральнікаў і група доўгатэрміновых назіральнікаў ад БДІПЧ АБСЕ.

На парламенцкіх выбарах адсутнічае максімальная ўзроставая мяжа — выбірацца можна з 21 года і пакуль ёсць сілы. Сёлета пазмагацца за дэпутацкі мандат збіраецца грамадзянін, які дасягнуў узросту 83 гадоў.

Варвара Марозава

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.