Вы тут

У Германіі каханне на траіх скончылася замахам на забойства


Дзвюх жанчын з горада Франкфурт-на-Одэры ў рэгіёне Брандэнбург (Германія) прызналі вінаватымі ў пяці замахах на забойства іх палюбоўніка, паведамляе выданне Unіlаd.


У лістападзе 2018 года 36-гадовы Ральф Леман, 30-гадовая Генрыета Р. і 21-гадовая Мішэль Ф. аддаваліся сумесным любоўным уцехам. Пасля гэтага Мішэль запатрабавала з мужчыны 800 еўра, але той адмовіўся аддаць ёй грошы. Ён заявіў, што іх у яго няма і прапанаваў растэрміноўку.

Як мяркуецца, Мішэль і Генрыета вырашылі адпомсціць мужчыну і паспрабавалі забіць яго. Яны падмяшалі псіхатропныя наркотыкі ў яго напой, затым паехалі ў лес недалёка ад польскай мяжы і апаілі яго наркотыкамі паўторна з намерам забіць мужчыну, пакуль ён будзе непрытомны. Калі гэты план праваліўся, яны ўдарылі яго па галаве дамкратам і пачалі біць піўной бутэлькай.

Калі жанчыны зразумелі, што Леман яшчэ варушыцца, яны паспрабавалі пераехаць яго машынай, у выніку чаго мужчына атрымаў траўмы сцягна і жывата. Пасля гэтага зладзейкі спрабавалі зарэзаць свайго палюбоўніка, але, нягледзячы на ўсе атрыманыя траўмы, мужчына змог збегчы ад іх, скарыстаўшыся палкай.

Калі Леман збег, да сябровак на дапамогу прыехала іх знаёмая, 19-гадовая Джазэфін С. Дзяўчына паабяцала дапамагчы знайсці ўцекача. Па дарозе на месца злачынства яна шукала ў інтэрнэце, дзе ў чалавечым целе размешчаны розныя ўнутраныя органы. Пазней іх усіх затрымала паліцыя.

У выніку Мішэль і Генрыета былі прысуджаныя да чатырох гадоў турэмнага зняволення кожная за замах на забойства і нанясенне цяжкіх цялесных пашкоджанняў. Джазэфін С. прызнана вінаватай у згодзе паўдзельнічаць у здзяйсненні злачынства, яе асудзілі на паўтара года.

Іван Купарвас

Выбар рэдакцыі

Эканоміка

Усё, што трэба ведаць пра змены ў Жыллёвым кодэксе

Усё, што трэба ведаць пра змены ў Жыллёвым кодэксе

Мы паспрабавалі адшукаць самыя вострыя вуглы новаўвядзенняў і ўявіць, як будзе працаваць гэты дакумент пачынаючы з 2020 года.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Як запрасіць чалавека, каб ён не прыйшоў, і знойдзены кашалёк.

Грамадства

Як пенсіянерка з Гомеля купіла набор каструль па цане патрыманай іншамаркі

Як пенсіянерка з Гомеля купіла набор каструль па цане патрыманай іншамаркі

Усё, як у казцы: прыгожая зала, музыка, пачастункі. Абаяльныя людзі распавядаюць аб правільным харчаванні і рэкламуюць свой тавар...

Грамадства

714 тысяч тон адходаў для перапрацоўкі сабралі летась беларусы

714 тысяч тон адходаў для перапрацоўкі сабралі летась беларусы

Гэта адходы шкла, паперы, пластыку, шын, батарэек, машыннага масла...