Вы тут

Пінск пабагацеў ганаровымі грамадзянамі


На Дні горада ў Пінску ў мінулую суботу ўшаноўвалі двух новых ганаровых грамадзян. Рашэннем сесіі гарадскога Савета гэты статус атрымалі былыя кіраўнікі горада Васіль ШУСТ і Аляксандр ГОРДЗІЧ. Абодва працяглы час узначальвалі гарвыканкам, Аляксандр Гордзіч таксама тры гады працаваў старшынёй гарадскога Савета дэпутатаў.


Як адзначыў пры ўручэнні пасведчанняў цяперашні старшыня гарсавета Лявонцій ЛЕМЯШЭЎСКІ, за час знаходжання іх пры ўладзе расла эканоміка горада, будавалася жыллё, умацоўвалася матэрыяльна-тэхнічная база аб'ектаў сацкультбыту, узводзіліся аб'екты інфраструктуры і добраўпарадкавання, захоўвалася гісторыка-культурная спадчына Пінска. Таму дэпутаты аднадушна падтрымалі ініцыятыву працоўных калектываў аб наданні статусу ганаровага грамадзяніна кожнаму з названых былых мэраў.

Цяпер спіс ганаровых грамадзян горада над Пінай змяшчае 22 прозвішчы. Сярод іх ёсць ветэраны вайны і партызанскага руху, марак-вызваліцель, кіраўнікі прадпрыемстваў, медык, спартсмен, мецэнат. У 2011 годзе званне «Ганаровы грамадзянін Пінска» прысвоена Пятру Фёдаравічу Лысенку за значны ўклад у захаванне гісторыка-культурнай спадчыны. На жаль, акадэмік Лысенка, які падарыў гораду і свету знакамітае «Бярэсце», такога звання ў Брэсце не мае.

Ёсць у гэтым ганаровым пераліку пінчукоў і жанчына — Зінаіда Мандроўская, якая доўгі час узначальвала адно з прадпрыемстваў Пінска, была дэпутатам Палаты прадстаўнікоў Нацыянальнага сходу чацвёртага склікання. Спіс заўсёды адкрыты для тых, хто сумее дасягнуць велічынь у сваёй справе або праславіць горад за яго межамі.

Святлана ЯСКЕВІЧ

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.