Вы тут

На кірмаш вакансій у Гомелі прыйшло паўтары сотні жыхароў горада


У Гомелі пра магчымасці працаўладкавання расказалі прадстаўнікі кадравых службаў пяці гарадскіх прадпрыемстваў і арганізацый прамысловасці, грамадскага харчавання і аховы здароўя. У спісе заяўленых вакансій былі рабочыя прафесіі — ад дапаможных рабочых да майстроў участкаў. У медыцыне асабліва патрэбны малодшы медыцынскі персанал.


Па інфармацыі ўпраўлення па працы, занятасці і сацыяльнай абароне Гомельскага гарвыканкама, на сёння ў банку вакансій службы занятасці каля 3200 прапаноў работы. З пачатку 2019 года пры садзейнічанні службы працаўладкавана больш за пяць тысяч чалавек, з іх звыш дзвюх тысяч беспрацоўных.

Арганізатары рэкамендавалі саіскальнікам звяртаць увагу не толькі на варыянты працаўладкавання непасрэдна на кірмашы вакансій, але і вывучаць банк службы занятасці, у якім больш за тры тысячы пазіцый.

На кірмаш вакансій у Гомелі прыйшло паўтары сотні жыхароў горада, якія не маюць пастаяннай работы. Аднак сярод іх не было ніводнага кухара ці кухоннага рабочага, а вакансіі заявілі адразу два прадпрыемствы — камбінат школьнага харчавання і абласны скурна-венералагічны дыспансер. Сёння попыт на кухараў нават без досведу працы значна перавышае колькасць падрыхтаваных спецыялістаў. Магчыма, гэта выклікана і тым, што часта кухары сыходзяць у камерцыйныя ўстановы харчавання, дзе прапануюць 600—700 рублёў заробку, а дзяржаўныя — толькі 450 рублёў. Між тым, раяць спецыялісты, важна цікавіцца і надбаўкамі за дадатковую работу — у выніку можна атрымаць і больш, чым прапануюць у прыватных кавярнях.

Два гомельскія прадпрыемствы чакаюць грамадзян, якія гатовыя працаваць з бетонам. Але ж многія з тых, хто цікавіліся на кірмашы такой магчымасцю, маюць абмежаванні па стане здароўя. Дарэчы, на папярэднюю размову да прыватнікаў дамаўляюцца некалькі грамадзян. Асноўныя патрабаванні — быць фізічна моцным, не піць і не прагульваць. А заробак будзе залежаць ад выпрацоўкі.

Цэлы пералік пасад прапанавала ТАА «Дэлком 40». Вакансіі тут розныя: ад дворніка да эканаміста цэха з навыкамі работы са спецыяльным праграмным забеспячэннем. Рэкруцёры запэўніваюць, што на гэтым прадпрыемстве з еўрапейскім капіталам кар'еру можа зрабіць і прыбіральшчык тэрыторыі — калі будзе старанны, яго заўважаць і прапануюць набыць кваліфікацыю.

Тым, хто хоча набыць кваліфікацыю, упраўленне па працы прапануе прайсці навучанне. Зараз вядзецца набор у групы кіроўцаў тралейбуса, машыністаў кранаў, муляраў. Зусім нядаўна былі ў поўным складзе працаўладкаваны групы прадаўцоў і цырульнікаў. Вядзецца таксама навучанне электрагазазваршчыкаў, слесараў па рамонце аўтамабіляў, аддзелачнікаў памяшканняў, якія пры жаданні могуць адкрыць уласны бізнес.

На мерапрыемстве прадстаўнікі фонду сацыяльнай абароны насельніцтва, падатковай інспекцыі правялі кансультацыі па фінансавай адукаванасці пры самазанятасці, арганізацыі сваёй справы. Неабходныя плацяжы, фарміраванне справаздачнасцяў — гэтыя і іншыя пытанні растлумачылі кампетэнтныя спецыялісты.

Па інфармацыі ўпраўлення па працы, занятасці і сацыяльнай абароне Гомельскага гарвыканкама, на сёння ў банку вакансій службы занятасці каля 3200 прапаноў работы. З пачатку 2019 года пры садзейнічанні службы працаўладкавана больш за пяць тысяч чалавек, з іх звыш дзвюх тысяч беспрацоўных.

Ірына АСТАШКЕВІЧ

Загаловак у газеце: Дэфіцыт кухараў, санітарак і будаўнікоў

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.