Вы тут

Брэсцкі і Тульскі тэатры лялек абмяняюцца гастролямі


Брэсцкі і Тульскі тэатры лялек правядуць 17-19 кастрычніка абменныя гастролі, паведаміла дырэктар БТЛ Тамара Паўлюковіч, піша БЕЛТА.


Фота primpuppet.ru

Артысты з Тулы прывязуць у Брэст адну з апошніх сваіх пастановак - дзіцячы мюзікл паводле матываў вядомага верша Карнея Чукоўскага "Муха і Камар". Спектакль, створаны пецярбургскім рэжысёрам Станіславам Мазгавым, напоўнены яркімі дэкарацыямі, прыемнай музыкай Іагана Штрауса - сына, смешнымі дуэтамі і квартэтамі акцёраў, якія выступаюць у выглядзе незвычайных лялек - тантамарэсак. Усяго запланавана шэсць паказаў спектакля.

У сваю чаргу брэсцкія лялечнікі павязуць у Тулу дзве свае пастаноўкі - казку для самых маленькіх "Кветачка-Вясёлка" і эксперыментальны спектакль "Мой тата - птах", прэм'ера якога адбылася ў лютым мінулага года. "Гэты спектакль мы паказвалі ўжо на тэатральным фестывалі ў Белгарадзе. Там яго вельмі добра прынялі. Спадзяёмся, пастаноўка таксама спадабаецца тульскім гледачам", - падзялілася Тамара Паўлюковіч.

Паводле яе слоў, цяпер у тэатры актыўна ідуць рэпетыцыі спектакля для малой сцэны "Як стаў я вандроўнікам. Фёдар Конюхаў". Рэжысёрам пастаноўкі выступіла Аліса Ермак. Гэта спектакль аб тым, як мары дзяцінства становяцца пуцяводнай зоркай усяго жыцця. "Над гэтай эксперыментальнай пастаноўкай Аліса працавала ў час вучобы ў творчай майстэрні вядомага піцерскага рэжысёра Руслана Кудашова. Гэта была яе выпускная работа. Мы вырашылі ўключыць спектакль у рэпертуар тэатра", - сказала дырэктар. Работа над спектаклем ідзе да завяршэння, прэм'ера намечана на 26 кастрычніка.

Яшчэ адной прэм'ерай заслужаны калектыў мае намер парадаваць сваіх гледачоў да Новага года. Гэта будзе казачная аповесць Джані Радары "Падарожжа блакітнай стралы", у якой расказваецца пра каляднае чароўнае падарожжа цацачнага поезда і яго лялечных пасажыраў. Сцэнаграфію спектакля прапанаваў рэжысёр Ігар Казакоў, які паставіў нядаўна на сцэне Брэсцкага акадэмічнага тэатра драмы гратэскную камедыю "Мяшчанскае вяселле".

Выбар рэдакцыі

Грамадства

​Дзе прызначалі спатканні ў даваенным Мінску?

​Дзе прызначалі спатканні ў даваенным Мінску?

Атрымаць падказкі вам дапаможа экскурсія «Рамантыка мінскіх дворыкаў».

Культура

Алесь Бадак: Важна знайсці перакладчыка, які цябе зразумее

Алесь Бадак: Важна знайсці перакладчыка, які цябе зразумее

Паэт і празаік Алесь Бадак шмат гадоў працаваў у літаратурных перыядычных выданнях Беларусі, а з 2015 года ўзначальвае выдавецтва «Мастацкая літаратура».