Вы тут

У Беларусі стартуе арт-эстафета БРСМ, прысвечаная мамам


10 кастрычніка фестывалем “Мамчын дзень" у Мінску БРСМ дае старт рэспубліканскай арт-эстафеце “Слова, першае ў жыццi...” (пр.Незалежнасці, 3-2, пачатак мерапрыемства - 15.00).


Мерапрыемствы фестывалю разгорнуцца ў холе ніжняга ўзроўню ГЦ “Сталіца”. Тут госці свята змогуць паўдзельнічаць у рабоце хенд-мейд майстэрняў па вырабе кветак з фоамірана і роспісу печыва, паспаборнічаць у конкурсе “спавівання нованароджаных”, абсалютна бясплатна атрымаць у падарунак вясёлую і добрую карцінку ад мастакоў-шаржыстаў і нават адправіць віншавальную паштовую картку любімай маме. Дадатковы каларыт у работу святочнай інтэрактыўнай пляцоўкі прыўнясуць майстры аква-грыму. Для самых юных удзельнікаў фэсту валанцёры руху БРСМ "Добрае Сэрца" падрыхтавалі гульнявую праграму з мноствам актыўнасцяў.

Ганаровыя госці фестывалю - мамы: шматдзетныя, працавітыя, актыўныя, спартыўныя, творчыя. Ім даверана ганаровая місія ўручыць узнагароды маладым талентам падчас урачыстай цырымоніі ўзнагароджання пераможцаў творчага конкурсу БРСМ “Слова, першае ў жыццi...” І менавіта яны стануць гераінямі адкрытага дыялогу “Беларусь і Я”, прысвечанага самаму блізкаму і роднаму чалавеку - жанчыне-маці, захавальніцы сямейнага ачага.

Арт-эстафета “Слова, першае ў жыццi...” скіравана на ўмацаванне інстытута мацярынства і павышэнне статусу жанчыны-маці ў грамадстве. Мерапрыемствы праекта будуць доўжыцца па 14 кастрычніка: спартыўныя святы, спаборніцтвы маладых мам, майстар-класы і інтэрактыўныя праграмы, творчыя сустрэчы, ушанаванне маці, выставы, пасяджэнні клубаў маладых сем'яў, канцэрты мастацкай самадзейнасці, наведванне радзільных дамоў і іншае.

Сяргей РАСОЛЬКА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.