На працягу месяца больш як 250 першакурснікаў у складзе 19 зборных факультэтаў і інстытутаў БДУ праходзілі кастынг і адбор для ўдзелу ў гала-канцэрце. Кожная каманда праверыла свае сілы ў сямі творчых выпрабаваннях. Канкурсанты падрыхтавалі “СТЭМ з зоркай”, відэаролік “This is BSU”, прайшлі конкурсы па вакале, танцавальнай харэаграфіі і конкурс на лепшае прадстаўленне каманды ў сацыяльных сетках, спаборнічалі ў КВЭСТ-гонцы і інтэлектуальнай гульні “BSU-квіз”. За кожны этап зборным налічваліся балы, якія ішлі ў агульны камандны залік.
У канцэртную праграму гала-канцэрта, які пройдзе 10 кастрычніка ў Ліцэі БДУ, уключаны выступленні толькі 12 зборных, якія пакажуць 21 творчы нумар. Па выніках прадстаўлення будуць вызначаны лідары ў сямі намінацыях: “Найлепшы вакаліст / група вакалістаў”, “Найлепшы танцор / дуэт / танцавальны калектыў”, “Найлепшая візітоўка”, “Самая інтэлектуальная каманда”, “Лепшае праходжанне квэстаў, “Найлепшы ідэаролік”, “Найлепшае прадстаўленне каманды ў сетцы Інтэрнэт”. Гледачы канцэрта шляхам галасавання абяруць таксама найлепшую групу падтрымкі.Залаты прызёр сёлетняга фестывалю атрымае права прадстаўляць БДУ на Форуме творчай моладзі, які пройдзе ў лістападзе ў Браціславе (Славакія).
Надзея НІКАЛАЕВА
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.