Вы тут

Дзевяць чалавек з Мінскага раёна выслухаў кіраўнік цэнтральнага рэгіёна Анатоль Ісачанка


Дзевяць чалавек з Мінскага раёна выслухаў кіраўнік цэнтральнага рэгіёна Анатоль Ісачанка падчас чарговага прыёму грамадзян.


Старшыня вытворчага кааператыва «Рогаўскі» Юрый Лешуноў расказаў, што да іх ніяк не можа прыйсці «блакітнае паліва». Ён паведаміў, што кааператыў быў створаны ў 2004 годзе, у яго ўваходзіць больш за восемдзесят чалавек. За гэты час былі распрацаваны два праекты, але газіфікацыя так і не пачалася. Па словах спецыялістаў, кааператыў быў пастаўлены на чаргу для газіфікацыі ў 2011 годзе, у якой зараз восьмы па ліку. Для таго каб падвесці газ менавіта «Рогаўскаму», неабходна 769 тысяч рублёў, 30 % з іх трэба ўнесці фізічным асобам, астатнія 70 % — з дзяржаўнага бюджэту. Сёлета выдзелены сродкі на два кааператывы, у наступным годзе мяркуецца іх выдзеліць яшчэ на чатыры кааператывы. «Калі раён знойдзе грошы на газіфікацыю гэтага кааператыва, то ў 2021-м можна будзе разглядаць пытанне па газіфікацыі», — канстатаваў Анатоль Ісачанка. Анатоль Міхайлавіч даручыў старшыні Мінскага райвыканкама Івану Крупко дэталёва вывучыць сітуацыю, сустрэцца з людзьмі і разам падлічыць, колькі неабходна грошай для вырашэння пытання і ці згодны ўсе яны ўнесці неабходную суму.

Станіслаў Вячаслававіч і Максім Іванавіч з вёскі Лескаўка заклапочаны, што да новай школы неўладкавана дарога, няма тратуараў, асвятлення. Пасля дажджу, у непагадзь яна размываецца. Але самае галоўнае, што небяспеку для малых пешаходаў ствараюць машыны. Анатоль Ісачанка даў даручэнне яшчэ раз прааналізаваць сітуацыю з выездам на месца. Распрацаваць праект і па магчымасці пабудаваць спачатку бакавую пешаходную сцежку для школьнікаў, а ўжо затым зрабіць гравійку.

Дарожная праблема хвалявала і жыхара Астрашыцкага Гарадка Станіслава Мікалаевіча. Ён паскардзіўся, што каля яго дома няякасна, з парушэннямі пракладзены ўчастак дарогі, таму вада сцякае ў агарод, у выніку згніла агароджа. Анатоль Ісачанка, паглядзеўшы слайды, прыйшоў да высновы, што і раней тут не было плота. Звярнуў ён увагу і на тое, што тэрыторыя вакол дома ў непрыглядным стане, за ёй ніхто не даглядае. А вясковая дарога на самай справе роўная, заасфальтаваная. Далёка не ў кожным населеным пункце ёсць такая. Між іншым, старшыня Мінаблвыканкама даручыў спецыялістам выехаць да заяўніка і ацаніць, наколькі стан дарогі ўплывае на разбурэнне агароджы.

Напрыканцы прыёму Анатоль Ісачанка канстатаваў, што яшчэ некалькі гадоў таму заяўнікі ў асноўным падымалі грамадскія праблемы. Як сведчаць апошнія прыёмы, пераважная большасць людзей звяртаецца з просьбай дапамагчы вырашыць асабістыя праблемы. А гэта значыць, што грамадскім пытанням больш увагі сталі аддаваць мясцовыя ўлады.

Таццяна ЛАЗОЎСКАЯ

Загаловак у газеце: Газіфікацыя, зямля для фермера і дарогі

Выбар рэдакцыі

Грамадства

Як у вясковай школе з'явіўся SТEM-цэнтр

Як у вясковай школе з'явіўся SТEM-цэнтр

З'явіўся ён дзякуючы спонсарскай падтрымцы кампаніі Vіzor Games. 

Грамадства

Як адбываюць пакаранне асуджаныя да абмежавання волі «ў хатніх умовах»

Як адбываюць пакаранне асуджаныя да абмежавання волі «ў хатніх умовах»

«Хатняя хімія» — гэта турма, толькі на свабодзе», — з сарказмам кажуць самі асуджаныя пра абмежаванне волі без накіравання ў папраўчую ўстанову.

Здароўе

​Як абараніць сябе ад кардыялагічных праблем у халодны перыяд?

​Як абараніць сябе ад кардыялагічных праблем у халодны перыяд?

Менавіта зімой павялічваецца колькасць інфарктаў і павышаецца артэрыяльны ціск.

Культура

Успаміны пра Яўгенію Янішчыц

Успаміны пра Яўгенію Янішчыц

Піша Зіновій Прыгодзіч.