На гэтым тыдні на базе філіяла «Інстытут перападрыхтоўкі і павышэння кваліфікацыі» Універсітэта грамадзянскай абароны Міністэрства па надзвычайных сітуацыях, што месціцца ў пасёлку Светлая Рошча, вызначалі найлепшых ратавальнікаў і начальніка дзяжурнай змены падраздзяленняў ведамства.
Спаборніцтвы доўжыліся тры дні. Яны ўключалі 14 практычных этапаў, максімальна набліжаных да баявых дзеянняў у розных сітуацыях, і здачу тэсціравання. Ратавальнікі ліквідоўвалі надзвычайную сітуацыю тэхнагеннага паходжання, працавалі ў дыхальным апараце са сціснутым паветрам, беглі двухкіламетровы крос, шукалі людзей на акваторыі і працавалі на вышыні. А яшчэ яны мусілі залезці на вышыню па вяровачнай лесвіцы, пераадолець лабірынт, падвал, агонь...
— З гэтымі перашкодамі ратавальнікі сутыкаюцца пастаянна падчас сваёй работы, — расказалі ў МНС. — Прычым мы пастараліся ўскладніць сцэнарый. Да таго ж яны павінны пераадолець дыстанцыю не толькі максімальна якасна, але і хутка, таму што падчас баявога выезду важная кожная секунда.
Найлепшым начальнікам каравула стаў прадстаўнік Брэсцкай вобласці Аляксандр Клетаніца. Сярод ратавальнікаў не было роўных Ігару Жалткевічу, які выступаў за Віцебшчыну.
Валяр'ян ШКЛЕННІК
Мерапрыемства праводзіцца на добраахвотнай аснове.
Не выявіць ні секунды абыякавасці.
