Вы тут

Кампанія «Wargaming» вызначылася са сваімі стыпендыятамі


Шаснаццаць студэнтаў БДУ сталі ўладальнікамі гранта першага конкурсу «Стыпендыя Wargaming». Дыпломы пераможцам падчас урачыстай цырымоніі уручыў дырэктар кампаніі Wargaming Group Limited Уладзімір КІСЛЫ.


Фота прэс-службы БДУ.

У мерапрыемстве таксама прынялі ўдзел першы намеснік міністра адукацыі Беларусі Ірына Старавойтава, першы прарэктар БДУ акадэмік Алег Івашкевіч, дырэктар Аб'яднанага інстытута праблем інфарматыкі НАН Беларусі Аляксандр Тузікаў, намеснік дырэктара па персаналу мінскага цэнтра распрацоўкі кампаніі Wargaming Дзмітрый Кіроль і іншыя.

Лаўрэатамі стыпендыі сталі студэнты чатырох факультэтаў БДУ, на якіх у свой час вучыліся заснавальнікі кампаніі Wargaming: хімічнага, фізічнага, факультэта прыкладной матэматыкі і інфарматыкі і факультэта рыдыёфізікі і камп’ютарных тэхналогій

Як адзначыў Уладзімір Кіслы, правядзенне такога конкурсу матывуе студэнтаў да навукова-даследчай дзейнасці. Стыпендыі дазваляюць ім публікаваць свае матэрыялы ў замежных выданнях, заказваць пераклад навуковых артыкулаў на замежныя мовы, аплачваць абсталяванне і інш. «Кампанія Wargaming бачыць велізарны патэнцыял у беларускай сістэме вышэйшай адукацыі, якая ўнесла істотны ўклад у развіццё ІТ-галіны ў тым ліку», — падкрэсліў ён.

Адзначым, што для атрымання гранта студэнтам неабходна было мець высокую ацэнку паспяховасці, падрыхтаваць матывацыйнае эсэ, аўтабіяграфію, а таксама займацца навукова-даследчай дзейнасцю. Гранты будуць выплачвацца штомесяц на працягу семестра.

Даведка

Кампанія «Wargaming» — адзін з найбуйнейшых сусветных выдаўцоў і распрацоўшчыкаў на рынку free-to-play MMO. У яе офісах па ўсім свеце працуюць 4500 работнікаў.

Аўдыторыя гульняў Wargaming, уключаючы флагманскія праекты World of Tanks і World of Warships, ахоплівае больш за 200 мільёнаў карыстальнікаў на ўсіх буйных гульнявых платформах.

У кампаніі актыўна развіваецца сацыяльны напрамак: Wargaming супрацоўнічае з музеямі, рэалізуе адукацыйныя і дабрачынныя праекты, а таксама ўдзельнічае ў захаванні і папулярызацыі ваеннай гісторыі.

Надзея НІКАЛАЕВА

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.