Вы тут

Моладзь, якая выбрала работу ў АПК, сабралася на форум на Гомельшчыне


Спецыялісты, якія абралі сельскую гаспадарку справай свайго жыцця, скарысталіся магчымасцю і задалі пытанні кіраўніку вобласці Генадзю Салаўю.


Ідэя правядзення форума належыць Прэзідэнту Беларусі. Папулярызацыя сельскагаспадарчай працы і сельскага ладу жыцця — не адзіная мэта такой сустрэчы. Размова ішла і пра стварэнне ўмоў для павышэння сацыяльнай і эканамічнай актыўнасці сельскай моладзі, пра формы супрацоўніцтва органаў улады, адукацыйных устаноў, камерцыйных і грамадскіх арганізацый у рабоце па сацыяльным развіцці сяла, пра фарміраванне кадравага рэзерву аграпрамысловага комплексу...

— Дзяржава многа робіць, каб падтрымаць замацавальнасць кадраў. Сёння наша агульная задача ў тым, каб стварыць для сельскай моладзі камфортныя ўмовы жыцця і працы на вёсцы, — адзначыў старшыня Гомельскага аблвыканкама Генадзь Салавей. — І толькі разам з маладымі людзьмі можна стварыць іх, выпрацаваўшы стратэгію развіцця. Пры гэтым важна зацікаўліваць моладзь з самага ранняга ўзросту, паказваць на прыкладах бацькоў і прафесіяналаў сваёй справы іх значнасць. Рэсурсы для развіцця галіны ёсць: дакладнае земляробства, GРS-навігацыя — прагрэсіўныя тэхналогіі, якія даступныя і ўжо ўжываюцца ў Беларусі.

Сустрэча з моладдзю праходзіла ў вёсцы будучыні — аграгарадку Ціхінічы. Гэты населены пункт — адзін з 25 самых перспектыўных у Гомельскай вобласці. Вытворчасць і развітая сацыяльная інфраструктура населенага пункта даюць магчымасці для стварэння новых рабочых месцаў.

Дыялог адбыўся ў рэжыме адкрытага мікрафона. Маладых работнікаў прадпрыемстваў АПК цікавілі стаўленне губернатара да здаровага ладу жыцця, сацыяльных сетак і інфармацыйнай прасторы, ступень даверу маладым кіраўнікам, забеспячэнне жыллём, прафесійны рост маладога жыхара вёскі і тыя задачы, якія сёння ставіць перад сельскай моладдзю дзяржава.

Старшыня Беларускага прафесійнага саюза аграпрамысловага комплексу Мікалай Лабушаў падкрэсліў, што ў апошнія гады замацавальнасць маладых спецыялістаў на вёсцы складае больш за 50 %. Каб усе 100 % заставаліся ў галіне, трэба яшчэ многа зрабіць:

— Зямля не прабачае памылак, ляноты і безадказнасці. Вялікая роля адводзіцца асабістым якасцям як кіраўнікоў, так і спецыялістаў. Пры гэтым не выключаецца значэнне работы ў камандзе. Важна не замоўчваць праблемы, якія ўзнікаюць, а вырашаць іх, не саромецца спытаць у калег, перадаваць свой досвед і прыслухоўвацца да іншых, прытрымлівацца тэхналогій. Толькі так можна рухацца наперад, — пералічыў ён.

Сёлета на сельгаспрадпрыемствы Гомельшчыны прыбыло каля 800 выпускнікоў галіновых ВНУ і сярэдніх спецыяльных вучэбных устаноў. Каля 100 маладых спецыялістаў АПК прыняла ўдзел у І Форуме сельскай моладзі. Яны наведалі сельскагаспадарчую вопытную станцыю НАН Беларусі ў аграгарадку Доўск, машынна-трактарны парк ААТ «Ціхінічы», экамузей «Беларуская лялька», азнаёміліся з дзейнасцю ААТ «Рагачоўскі МКК», залажылі яблыневую алею. Пяці маладым сем'ям, дзе абодва сужэнцы працуюць у прадпрыемствах АПК, уручылі падарункі ад Гомельскага аблвыканкама.

У Гомельскай вобласці пражывае каля 1,5 мільёна чалавек, з іх ва ўзросце ад 14 да 31 гады — звыш 270 тысяч, ці пятая частка ўсяго насельніцтва. Штогод у народна-гаспадарчы комплекс рэгіёна ўліваецца амаль паўтары тысячы маладых спецыялістаў.

Ірына АСТАШКЕВІЧ

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як новыя дасягненні вучоных паляпшаюць якасць жыцця і здароўя чалавека?

Як новыя дасягненні вучоных паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.