Вы тут

Віцэ-прэм'ер Ігар Петрышэнка расказаў аб выкананні задач у адукацыі


Удасканаленне методык навучання, пераход на новыя навучальныя праграмы, будаўніцтва і мадэрнізацыя школ, падрыхтоўка педагагічных кадраў і дастойная заработная плата для настаўнікаў — выкананне ўсіх гэтых задач ідзе паэтапна і атрымлівае пазітыўныя водгукі. Аб гэтым заявіў намеснік прэм'ер-міністра Ігар Петрышэнка пры наведванні Петкавіцкага вучэбна-педагагічнага комплексу яслі-сад—сярэдняя школа ў Дзяржынскім раёне, перадае БелТА.


Важным аспектам ён назваў удасканаленне матэрыяльна-тэхнічнай базы. «За апошнія 10 гадоў у краіне было пабудавана каля 50 школ, сёлета — сем. Яны абсталяваны па апошнім слове тэхнікі, каб вучань мог усебакова развівацца. Абсталяваны кабінеты фізікі, хіміі, біялогіі», — расказаў Ігар Петрышэнка. Для прыкладу: сёлета, у адпаведнасці з дзяржпраграмай «Адукацыя і маладзёжная палітыка» на 2016—2020 гады, установы агульнай сярэдняй адукацыі па ўсёй краіне атрымаюць 280 кабінетаў хіміі, 30 кабінетаў біялогіі, 1000 мультыбордаў. На набыццё абсталявання сёлета з рэспубліканскага бюджэту выдзелена 13,2 мільёна рублёў.

І, вядома, для павышэння прэстыжу прафесіі настаўніка значную ролю адыгрывае годная фінансавая ацэнка іх працы. «Мы выходзім на параметры, якія вызначыў кіраўнік дзяржавы, — дасягнуць узроўню 80 працэнтаў ад сярэдняй заработнай платы па краіне», — падкрэсліў намеснік прэм'ер-міністра.

Загаловак у газеце: Рост заробкаў, новыя школы і методыкі

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

«Разумныя» гарады. Як лiчбавiзацыя зменiць наша жыццё?

«Разумныя» гарады. Як лiчбавiзацыя зменiць наша жыццё?

Наступны этап — стварэнне разумных гарадоў.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.