Вы тут

Новы від афёры з'явіўся ў інтэрнэце


У гонар свайго дня нараджэння найбуйнейшы банк краіны дорыць кліентам грошы ў суме 100 рублёў. Такую інфармацыю паведамляюць адно аднаму ў сацыяльнай сетцы «Аднакласнікі». У групавых чатах карыстальнікаў нібыта іх агульныя знаёмыя дзеляцца тым, што прынялі ўдзел у акцыі і сталі ўладальнікамі нечаканых дывідэндаў. Для гэтага неабходна толькі паведаміць рэквізіты банкаўскай карткі. У надзеі лёгка сарваць куш многія ідуць па інструкцыі і тут жа рэкламуюць акцыю сваякам, знаёмым, сябрам.


Менавіта такім чынам пра падарунак ад банка даведалася і 61-гадовая жыхарка Маладзечна. У перапісцы са сваячкай жанчына паведаміла ёй 16-значны нумар і тэрмін дзеяння дзвюх плацежных картаў, а таксама коды, якія прыходзяць на мабільны тэлефон. Аднак западозрыўшы падман, яна паспрабавала звязацца са сваячкай па тэлефоне. Трубку ніхто не падняў, а ў адказ прыйшло паведамленне, што «абанент ператэлефануе». У банку жанчыну «абрадавалі» тым, што адна з яе картаў была заблакаваная з-за падазроных аперацый, з другой жа БПК спісана 57 рублёў. Па факце крадзяжу грашовых сродкаў маладзечанка звярнулася ў міліцыю.

Дарэчы, самой сваячцы пашанцавала больш — зламыснікам з чата яна таксама паведаміла рэквізіты сваёй банкаўскай карты, праўда, грошай на ёй не было.

Як паведамляе Група інфармацыі і грамадскіх сувязяў Маладзечанскага РАУС, практычна штодня ў райаддзел міліцыі сталі звяртацца жыхары рэгіёна. Усе яны пацярпелі ад ашуканскіх дзеянняў у сацыяльнай сетцы. У групавых чатах ад імя нібыта знаёмых ім прапаноўвалі атрымаць 100-рублёвы падарунак ад банка, калі яны паведамяць рэквізіты карты. Усе заяўнікі, як правіла, людзі старэйшага ўзросту. З-за сваёй залішняй даверлівасці гэтая катэгорыя грамадзян з'яўляецца вельмі ўразлівай. Цяпер па гэтых фактах праводзіцца праверка.

Як бачым, метад зламыснікаў у асноўным застаўся ранейшы, змяніліся месца лакацыі і падстава для падману. Калі раней ашуканцы «працавалі» з моладдзю ва «УКантакце», то цяпер «пераключыліся» на старэйшых грамадзян у «Аднакласніках». Таму, маючы зносіны ў сацыяльных сетках, раяць праваахоўнікі, пераканайцеся, што вы сапраўды перапісваліся са знаёмым чалавекам, і што яго ўліковы запіс не ўзламаны. Інакш ад імя знаёмага вам чалавека будзе перапісвацца і абяцаць залатыя горы ашуканец. Ні ў якім разе нікому не паведамляйце канфідэнцыйныя звесткі. Толькі павышаная пільнасць і ўважлівасць дапаможа супрацьстаяць жулікам у інтэрнэце.

Канстанцін ЛЮТКЕВІЧ

Выбар рэдакцыі

Грамадства

Чым прываблівае факультэт унутраных войскаў Ваеннай акадэміі?

Чым прываблівае факультэт унутраных войскаў Ваеннай акадэміі?

На гэ­тым тыд­ні фа­куль­тэ­ту ўнут­ра­ных вой­скаў Ва­ен­най ака­дэ­міі споў­ні­ла­ся 27 га­доў. 

Эканоміка

Дылема хатняй гаспадыні: купляць прадукты на месцы або ісці ў краму цераз дарогу?

Дылема хатняй гаспадыні: купляць прадукты на месцы або ісці ў краму цераз дарогу?

 У сталіцы, дзе досыць шмат сетак з іх акцыямі, мудрагелістымі зніжкамі, накапляльнымі баламі, часам сапраўды цяжка адшукаць тавар па аптымальнай цане.

Грамадства

Адзін з найлепшых у краіне інспектараў па справах непаўналетніх расказвае пра службу і няпростых падлеткаў

Адзін з найлепшых у краіне інспектараў па справах непаўналетніх расказвае пра службу і няпростых падлеткаў

Вячаслаў Сайко ўпэўнены, што да любога цяжкага падлетка можна знайсці падыход, заахвоціць уласным прыкладам да карысных заняткаў (напрыклад, да спорту) і накіраваць яго на шлях выпраўлення.

Здароўе

​Што такое каранавірус і чым ён небяспечны

​Што такое каранавірус і чым ён небяспечны

Хто ў групе рызыкі і як лячыць інфекцыю?