Вы тут

Новыя кацельні хутка пачнуць працаваць у Добрушы і Буда-Кашалёве


Да ацяпляльнага сезона 2019—2020 гадоў Гомельшчына гатова. Адпаведныя пашпарты атрымалі ўсе цеплакрыніцы, спажыўцы, арганізацыі, якія транспартуюць цеплавую энергію і знаходзяцца на абслугоўванні ЖКГ. На пасяджэнні Гомельскага аблвыканкама генеральны дырэктар дзяржаўнага аб'яднання «Жыллёва-камунальная гаспадарка Гомельскай вобласці» Дзмітрый Згурскі расказаў пра тое, што зроблена.


Цалкам праведзены прафілактычныя рамонты абсталявання кацельных, цэнтральных цеплавых пунктаў, унутрыдамавых інжынерных сетак. Больш за 110 кіламетраў цеплавых сетак заменена, адрамантавана звыш 103 тысяч метраў квадратных дахаў. Пры гадавым заданні ў 440 тысяч «квадратаў», за 9 месяцаў капітальны рамонт жылых дамоў правялі на 320 тысячах метраў квадратных — гэта 101,9 %.

У вобласці ёсць мабільныя цеплагенеруючыя ўстаноўкі, а таксама падрыхтаваны да работы перасоўныя блокава-модульныя кацельні. Створаны аварыйныя брыгады з кругласутачным дзяжурствам на выпадак узнікнення пазаштатных сітуацый. Старшыня Гомельскага аблвыканкама Генадзь Салавей даручыў адказным службам узмацніць кантроль за абследаваннем вентыляцыйных і дымавых каналаў усяго жыллёвага фонду, у тым ліку прыватнага і ведамаснага.

Да таго ж сёлета ў Гомельскай вобласці мадэрнізавалі 84 кацельні. На гэтыя мэты былі выкарыстаны бюджэтныя грошы ў памеры 9,5 мільёна рублёў, таксама ўкладзена звыш 350 тысяч з уласных сродкаў прадпрыемстваў ЖКГ.

Акрамя таго, для замяшчэння імпартуемага прыроднага газу сёлета ў вобласці запланаваны ўвод дзвюх цеплакрыніц на мясцовых відах паліва. У Добрушы кацельня рыхтуецца да пуску ў кастрычніку, а ў Буда-Кашалёве ўвод запланаваны на сярэдзіну лістапада. Па выніках года ў рэгіёне доля мясцовых відаў паліва прагназуецца на ўзроўні каля 45,2 %. На Гомельшчыне створаны запас драўнянага паліва і топачнага мазуту з перавышэннем запланаваных лічбаў.

Ірына АСТАШКЕВІЧ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.