Вы тут

Кошт капітальнага рамонту жылля на Брэстчыне — больш за 150 рублёў за «квадрат»


У каго танней?

Камунальным службам Брэсцкай вобласці неабходна адшукаць рэзервы для зніжэння кошту капітальнага рамонту жыллёвага фонду. Такую задачу паставіў на выязным пасяджэнні аблвыканкама ў Бярозе яго старшыня Анатоль ЛІС.


Як паведамляе БелТА, на пасяджэнні разглядалі рэалізацыю дзяржаўнай праграмы «Камфортнае жыллё і спрыяльнае асяроддзе» на 2016—2020 гады і праблемныя пытанні работы жыллёва-камунальнай гаспадаркі вобласці. Эфектыўнае і надзейнае функцыянаванне сістэмы ЖКГ з'яўляецца неад'емнай умовай для забеспячэння спрыяльнага асяроддзя і камфортнага пражывання грамадзян, адзначыў губернатар. Чакаецца, што большасць паказчыкаў дзяржпраграмы сёлета будзе выканана. Разам з тым ёсць пытанні, на якія варта звярнуць асаблівую ўвагу.

«Згодна з Дырэктывай № 7, у 2020 годзе неабходна забяспечыць дасягненне долі капітальна адрамантаванага жылля ў памеры 3 % ад эксплуатуемага. Па вобласці гэтая лічба складзе не менш за 380 тысяч метраў квадратных. Пры гэтым выкананне задання ў аб'ёме 310 тысяч квадратных метраў жылля па выніках бягучага года не праглядаецца, што недапушчальна, таму што гэта не проста лічба — за ёй стаяць людзі, якім неабходна адрамантаваць жыллё», — падкрэсліў Анатоль Ліс.

Самыя нізкія тэмпы ўводу дамоў пасля капрамонту ў Брэсце, Баранавічах, Бярозаўскім і Драгічынскім раёнах. Адной з прычын з'яўляецца перавышэнне гранічных нормаў выдаткаў рамонту на адзін «квадрат», што прыводзіць да недахопу выдзеленых на гэтыя мэты бюджэтных сродкаў. У прыватнасці, перавышэнні былі на дзевяці аб'ектах у Баранавічах, на адным аб'екце ў Кобрынскім раёне. Надзвычай затратным атрымліваецца рамонт малапавярховай жылой забудовы, старэйшай за 30 гадоў.

Сёння кошт рамонту аднаго «квадрата» жылля ў сярэднім па вобласці складае 154 рублі, гэта вышэй, чым у сярэднім па краіне (150 рублёў). У той жа час у Мінскай вобласці гэтая лічба не перавышае 120 рублёў.

«Аналіз паказвае, што выкананне работ па капітальным рамонце сіламі саміх прадпрыемстваў дазваляе знізіць кошт работ прыкладна на 25 %, а таксама сэканоміць час на правядзенне працэдур па выбары падраднай арганізацыі», — паведаміў генеральны дырэктар абласнога ўпраўлення ЖКГ Аляксандр Максімчук.

Губернатар запатрабаваў, каб у наступным годзе кошт капрамонту аднаго квадратнага метра ў вобласці быў ніжэйшым, чым у сярэднім па краіне. «Вывучайце перадавы вопыт і выкарыстоўвайце ў сябе», — заявіў ён. У цэлым у кожным раёне павінен быць распрацаваны рабочы план па безумоўным выкананні заданняў дзяржпраграмы. «Для гэтага ёсць усе магчымасці. У нас створана цудоўная матэрыяльная база — адна з найлепшых сярод абласцей.
І кадры захавалі. Сур'ёзна прапрацуйце пытанне. Мы кардынальным чынам павінны змяніць сітуацыю», — рэзюмаваў кіраўнік вобласці.

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.