Праверыць сваё творчае майстэрства запрашаюцца школьнікі, навучэнцы гімназій і каледжаў, юныя прадстаўнікі журналісцкіх клубаў, гурткоў і прэс-цэнтраў. Узроставае абмежаванне суіскальнікаў складае ад 8 да 18 гадоў.
Як інфармуе прэс-служба БДУ, змаганне арганізавана па чатырох намінацыях: публікацыя ў СМІ, відэа-аудыёсюжет, блог і фатаграфія. Жанравы дыяпазон уключае рэпартаж з месца падзеі, інтэрв'ю, публіцыстычнае эсэ, фотаработы. Усе конкурсныя матэрыялы павінны быць выкананы ў адпаведнасці з адной з заяўленых тэм: “Падарожнічаючы па Беларусі”, “Месца, дзе я жыву”, “Зазіраючы ў будучыню”, “Чаму нас вучыць гісторыя”, “Цікавая прафесія”, “Людзі, якія змяняюць свет да лепшага (герой нашага часу)”.
Заяўкі на ўдзел у друкаваным выглядзе, кароткая біяграфія, фота аўтара, характарыстыка з месца вучобы, а таксама конкурсныя матэрыялы прымаюцца да 31 студзеня 2020 года на адрас: 220004, г. Мінск, вул. Кальварыйская, 9 з пазнакай “конкурс дзіцячай журналістыкі”. Фота- і відэработы ў лічбавым фармаце прымаюцца па электроннай пошце: silinatv@bsu.by.
Узнагароджанне пераможцаў адбудзецца ў канцы сакавіка наступнага года ў рамках маштабнага Фестывалю дзіцячай журналістыкі. Усе канкурсанты змогуць прыняць удзел у майстар-класах ад прадстаўнікоў вядомых беларускіх маладзёжных СМІ: “Знамя Юности”, “Зорька”, “Переходный возраст” і інш. Таксама будуць арганізаваны кансультацыі з выкладчыкамі па паступленне на факультэт журналістыкі БДУ і экскурсія па вядучай ВНУ краіны .
Ініцыятарамі конкурсу выступаюць факультэт журналістыкі БДУ, Міністэрства інфармацыі, Міністэрства адукацыі, упраўленне ідэалогіі, культуры і па справах моладзі Мінаблвыканкама, Беларускі саюз журналістаў.
З умовамі конкурсу, патрабаваннямі да конкурсных матэрыялаў можна азнаёміцца тут.
Сяргей РАСОЛЬКА
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.