Вы тут

Аляксандр Лукашэнка павіншаваў Старшыню КНР Сі Цзіньпіна і народ з Днём абвяшчэння КНР


Прэзідэнт Рэспублікі Беларусь Аляксандр Лукашэнка ад імя беларускага народа і сябе асабіста павіншаваў Старшыню КНР Сі Цзіньпіна і дружалюбны народ гэтай краіны з нацыянальным святам — Днём абвяшчэння Кітайскай Народнай Рэспублікі, паведамілі ў прэс-службе беларускага лідара.


«За 70 гадоў сваёй новай гісторыі Кітай дасягнуў выдатных поспехаў у эканамічным развіцці, павышэнні дабрабыту грамадзян, — падкрэсліў кіраўнік дзяржавы. — Ва ўмовах нарастаючай колькасці міжнародных выклікаў ваша краіна эфектыўна прасоўвае мадэль мірнага развіцця і супрацоўніцтва на аснове прынцыпаў усеагульнай выгады, недыскрымінацыі, раўнапраўя. Прымнажаючы вопыт і намаганні мінулых пакаленняў, кітайскі народ няўхільна набліжаецца да ажыццяўлення мары пра Вялікае адраджэнне кітайскай нацыі. Дасягненні вашай краіны заслугоўваюць самай высокай ацэнкі і выклікаюць захапленне».

Аляксандр Лукашэнка адзначыў значную дынаміку ўзаемадзеяння Мінска і Пекіна ў палітычнай, эканамічнай і многіх іншых галінах. «Адносіны паміж нашымі дзяржавамі паслядоўна выходзяць на чарговы гістарычны этап, які будзе напоўнены новымі падзеямі і практычнымі вынікамі, — выказаў упэўненасць Прэзідэнт. — У Беларусі шчыра цэняць дружбу, давер і павагу, якія непарушнымі вузамі змацоўваюць нашы народы. Сёння мы можам з гонарам прадэманстраваць свету шматлікія вынікі двухбаковага супрацоўніцтва».

Аляксандр Лукашэнка пажадаў Сі Цзіньпіну і яго сям'і моцнага здароўя і поспехаў, грамадзянам Кітая — далейшага прагрэсу і росквіту.

Фота БелТА

Загаловак у газеце: Давер і павага

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як новыя дасягненні вучоных паляпшаюць якасць жыцця і здароўя чалавека?

Як новыя дасягненні вучоных паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.