Вы тут

Выдавецкі дом «Звязда» прэзентаваў кнігу «Базгулаг і поры года»


У сталічнай кнігарні «Дружба» Выдавецкі дом «Звязда» прэзентаваў кнігу «Базгулаг і поры года».


Гэта казка азербайджанскай пісьменніцы Севіндж Нурукызы, якая апавядае аб прыгодах маленькага зайчыка. «Шэрае вушка» (менавіта так перакладаецца на беларускую мову «Базгулаг») яшчэ шмат чаго не ведае, але жадае раскрыць многія таямніцы свету. Зайчаня цікавіцца ўсім: калі прачынаюцца матылькі? Ці не хварэе яблынька, калі з яе асыпаюцца лісточкі? Як даведацца, што прыйшла вясна?

Выданне разлічана на дзяцей, таму ў кнізе шмат загадак і вершаў. Ацанілі цікавасць казкі вучні другіх-чацвёртых класаў сталічнай школы № 44. Разам з галоўным героем дзеці адгадвалі загадкі пра поры года і месяцы, прыдумвалі мянушкі ўласным выдуманым персанажам, слухалі ўрыўкі з казачнай гісторыі, а таксама выконвалі заданні на ўважлівасць. Самыя актыўныя атрымалі падарункі — кнігі казак ад старшыні культурна-асветніцкага грамадскага аб'яднання «Габустан» Балдадаша Ганбарава, які і прэзентаваў кнігу Севіндж Нурукызы.

Дар'я ШЛАПАКОВА

Выбар рэдакцыі

Спорт

«Людзі думаюць, што ўсёмагутныя і — разбіваюцца»

«Людзі думаюць, што ўсёмагутныя і — разбіваюцца»

Ці так небяспечны парашутны спорт, як здаецца на першы погляд?

Грамадства

Дзе знаходзяць падтрымку бацькі асаблівых малых?

Дзе знаходзяць падтрымку бацькі асаблівых малых?

Стаялі ў калідоры і ўспаміналі першыя крокі ў выхаванні сваіх асаблівых дзетак.

Культура

«Калі чалавецтва зноў паставіць перад сабой высокія пытанні, яно мяне ўспомніць»

«Калі чалавецтва зноў паставіць перад сабой высокія пытанні, яно мяне ўспомніць»

Пагутарылі з дачкой вядомага ўраджэнца Віцебска Лазара Хідэкеля.