Вы тут

Дрыбін запрашае на сваё 450-годдзе


Сёлета гэтае невялічкае мястэчка адзначае немалы ўжо юбілей — менавіта 450 гадоў таму Дрыбін згадваўся ўпершыню ў пісьмовых крыніцах. З гэтай прыемнай нагоды ўсіх ахвотных запрашаюць на свята, якое адбудзецца ў суботу, 28 верасня.


Як паведамілі арганізатары, а 9-й гадзіне распачнуць работу тэматычныя пляцоўкі арганізацый і ўстаноў раёна, гульнявыя пляцоўкі і фотазоны.

Непасрэдна святочная праграма пачнецца а 10.45 з паказальнага выступлення мажарэтак. Афіцыйная частка прадугледжвае наданне статусу «Ганаровы грамадзянін Дрыбінскага раёна» знакамітым яго жыхарам, ушанаванне былых кіраўнікоў раёна, вызначэнне пераможцаў у намінацыях «Старажыл» і «Самы маленькі жыхар», падвядзенне вынікаў раённага конкурсу па добраўпарадкаванні «Дрыбіншчына квітнеючая», дэфіле валеных і саламяных вырабаў.

Увечары свята працягне канцэрт салістаў мясцовага цэнтра культуры, які пачнецца а 19-й гадзіне. А ўжо ў 20.00 усіх гасцей парадуе выступленне заслужанай артысткі Беларусі Іны Афанасьевай. Напрыканцы гэтага дня ўсіх чакае яркае відовішча — маляўнічы салют!

Выбар рэдакцыі

Грамадства

На Гомельшчыне актыўна развіваюць валанцёрскі рух

На Гомельшчыне актыўна развіваюць валанцёрскі рух

Форма сацыяльнай актыўнасці падлеткаў.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».