Вы тут

У Гродне адкрылі кабінет з новым ангіяграфічным комплексам


Медыцынскае абсталяванне ажыццяўляе дыягностыку захворванняў, звязаных з крывяноснымі сасудамі. Комплекс дапаможа праводзіць самыя складаныя аперацыі без разрэзаў, у тым ліку выдаліць на ранніх стадыях тромбы з артэрый. Пры дыягностыцы значна зніжаецца прамянёвая нагрузка на пацыента.


Новы комплекс мае шэраг пераваг у параўнанні з папярэдняй версіяй апарата. Значна пашырыўся спектр паталогій, якія можна вылечваць. Пры гэтым аперацыі выконваюцца без адкрытага хірургічнага ўмяшання.

— Гэты комплекс прызначаны для правядзення аперацый у асноўным на брушных органах і перыферычных сасудах, — растлумачыў хірург Алег Антоненка. — Мы не робім разрэзы, а толькі праколваем скуру. Гэта больш бяспечна для пацыентаў, бо лепш пераносіцца. У апараце ёсць функцыя, калі мы можам кантраляваць рух іголкі так, каб не пашкодзіць жыццёва важныя структуры арганізма. І сама аперацыя доўжыцца менш — ад дваццаці хвілін да двух-трох гадзін у залежнасці ад захворвання.

Па словах загадчыка ангіяграфічнага кабінета Леаніда ВАСІЛЬЧУКА, з дапамогай комплексу можна выконваць аперацыі па лакалізацыі злаякасных пухлін, у тым ліку хіміяэмбалізацыю печані, эмбалізацыю варотнай вены, пункцыйную біяпсію.

Новы комплекс — адзіны ў рэгіёне і ўстаноўлены ў Гродзенскай універсітэцкай клініцы. Медыцынская ўстанова з'явілася зусім нядаўна і створана на базе абласной клінічнай бальніцы. Тут праходзяць лячэнне самыя складаныя пацыенты. Сродкі на абсталяванне новага кабінета атрыманы з рэспубліканскага бюджэту, а падрыхтоўка кабінета і ўстаноўка вяліся за кошт мясцовага бюджэту.

Дарэчы, нядаўна непадалёку ад універсітэцкай клінікі распачаліся маштабныя работы па будаўніцтве першага ў вобласці анкалагічнага цэнтра.

Маргарыта УШКЕВІЧ

Загаловак у газеце: Аперацыя праз... праколы

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.