Вы тут

Майстар Гродзеншчыны зрабіла з нітак контуры вобласці


Выдатную работу спецыяльна да святкавання 75-годдзя Гродзеншчыны стварыла майстар-метадыст аддзела рамеснай дзейнасці Карэліцкага дома рамёстваў Вольга КРЫШЭНЬ. Палатно памерам 90 на 85 сантыметраў набыла жыхарка Гродна, а майстрыха плануе зрабіць падобную карціну крыху меншага памеру.


Кошт карціны (а гэта 250 долараў у эквіваленце), дарэчы, — гэта фактычна толькі цана матэрыялаў на яе стварэнне. Французскае мулінэ, якім вышыты аўтэнтычныя арнаменты кожнага з 17 раёнаў, абышлося ў 100 долараў, столькі ж пайшло на афармленне рамы і льняное палатно.

Толькі на збор арыгінальных узораў, характэрных для пэўнага рэгіёна, спатрэбіўся месяц. Столькі ж часу заняла сама вышыўка.

— Узоры вышыўкі для мястэчак браліся з розных побытавых прадметаў, — кажа Вольга Крышэнь. — Там, дзе на карціне шчыльная заліўка (заткана ўся плошча), я выкарыстоўвала ўзоры з посцілак. Гэта, напрыклад Зэльвенскі і Свіслацкі раёны. Для Бераставіцкага ці Мастоўскага, дзе пад вышыўкай заставаўся фон, узор брала з ручнікоў. На Карэліцкім раёне красуе вышыўка з карунак абруса, а для Астравеччыны падышла вышыўка з вязанага настольніка.

Карціна ў левым верхнім кутку аздоблена гадзіннікам, колеры якога сімвалізуюць чатыры пары года. А па перыметры палатно таксама вышыта сімвалічна: зверху — аўтэнтычны ўзор Віцебскай вобласці, з якой мяжуе Гродзеншчына, знізу — Брэсцкай, з правага боку — Мінскай, а з левага — Беластоцкага ваяводства.

Ірына СІДАРОК

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.