Вы тут

Іншаземцаў вызваляць ад выплаты дзяржпошліны за выдачу пропускаў у пагранічную зону


Прэзідэнт Рэспублікі Беларусь Аляксандр Лукашэнка падпісаў указ нумар 351 "Аб знаходжанні на прыгранічнай тэрыторыі". Дакумент распрацаваны, каб стварыць дадатковыя ўмовы для знаходжання фізічных асоб на прыгранічнай тэрыторыі, а таксама ў мэтах рэалізацыі закона ад 9 студзеня 2019 года нумар 168-3 "Аб унясенні дапаўненняў і змяненняў у некаторыя законы Рэспублікі Беларусь па пытаннях забеспячэння пагранічнай бяспекі". Аб гэтым паведамілі ў прэс-службе беларускага лідара.


Згодна з указам, замежныя грамадзяне і асобы без грамадзянства, якія пастаянна пражываюць за межамі Беларусі, вызваляюцца ад выплаты дзяржаўнай пошліны за выдачу пропускаў на права ўезду (уваходу), часовага знаходжання, перамяшчэння ў пагранічнай зоне. Гэта мера дасць магчымасць значна спрасціць парадак знаходжання іншаземцаў у пагранічнай зоне, стварыць дадатковыя ўмовы для ўключэння размешчаных у ёй зямель і аб'ектаў у гаспадарчы абарот, павысіць прывабнасць турыстычных аб'ектаў.

Акрамя таго, у дакуменце ўдакладнена кампетэнцыя Дзяржпагранкамітэта па ажыццяўленні пропуску цераз дзяржаўную граніцу Беларусі фізічных асоб у сувязі з перадачай асобных функцый органаў пагранічнай службы мытным органам.

Рэалізацыя вызначаных указам норм не акажа ўплыву на паўсядзённую жыццядзейнасць законапаслухмяных грамадзян, але ў той жа час будзе садзейнічаць павышэнню эфектыўнасці выканання пастаўленых перад органамі пагранічнай службы задач па забеспячэнні бяспекі дзяржавы.

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.