Вы тут

За адмову пракаціць на матацыкле мінчанка кінула ў кіроўцу бутэльку шампанскага


Сталічныя аператыўнікі высветлілі асобу жанчыны, якая з-за адмовы ўладальніка матацыкла пракаціць яе на транспартным сродку, кінула ў яго бутэльку шампанскага.


Пра тое, што невядомая жанчына пашкодзіла матацыкл Хонда GL 1800, у раённае ўпраўленне міліцыі Савецкага раёна паведаміў гаспадар транспарту. Праваахоўнікам мужчына распавёў, што каля прадуктовай крамы на Лагойскім тракце да яго падышла незнаёмая жанчына і стала прасіць пракаціць яе на матацыкле. Калі малады чалавек адмовіўся выконваць жаданне мінчанкі, яна раззлавалася і кінула ў матацыкл бутэльку шампанскага, тым самым пашкодзіўшы яго.

Асоба зламысніцы была ўсталяваная. Ёй была непрацуючая 38-гадовая мінчанка. Жанчына патлумачыла свой учынак станам алкагольнага ап'янення, аднак адзначыла, што спіртнымі напоямі яна не злоўжывае.

Суму нанесенай шкоды малады чалавек ацаніў у 700 рублёў. Як паведамляе ГУУС Мінгарвыканкама, па крымінальным артыкуле за хуліганства гараджанцы пагражае максімальнае пакаранне ў выглядзе пазбаўлення волі тэрмінам да трох гадоў.

Сяргей РАСОЛЬКА

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.