Вы тут

У Брэсце правялі хрэсны ход


У Брэсце прайшлі ўрачыстыя набажэнствы і хрэсны ход у гонар прападобнапакутніка Афанасія, ігумена Брэсцкага. Праваслаўная царква шануе памяць гэтага святога, які прыняў пакутніцкую смерць за праваслаўную веру.


Фота: brestcity.com

Афанасій Брэсцкі, у міру вядомы як Афанасій Філіповіч, — пісьменнік, грамадска-рэлігійны дзеяч, публіцыст, кампазітар, аўтар знакамітага «Дыярыуша», ігумен брэсцкага манастыра. 18 верасня 1648 года ён быў катаваны і застрэлены салдатамі брэсцкага ваяводы за тое, што не прыняў Брэсцкую унію 1596 года. Праз некалькі гадоў пасля смерці Афанасія Філіповіча прызналі святым.

У 2006 годзе ў Брэсце каля Свята-Сімяонаўскага сабора адкрылі помнік «нябеснаму заступніку» Афанасію Брэсцкаму. Кожны год у дзень яго смерці ў горадзе праходзяць памятныя мерапрыемствы.

Гэтым разам да нас прыехалі архірэі з Польшчы, Расіі, Украіны, іншых епархій Беларусі. Ранкам ад кафедральнага сабора вернікі прайшлі хрэсным ходам да Афанасьеўскага мужчынскага манастыра, дзе адслужылі Боскую літургію з малебнам. Пазней архіпастыры ўсклалі кветкі да помніка прападобнапакутніка Афанасія, ігумена Брэсцкага.

Святлана ЯСКЕВІЧ

Загаловак у газеце: Хрэсны ход у гонар святога

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.