Вы тут

Хто стане сенатарам?


На Міншчыне ідзе вылучэнне кандыдатаў у члены Савета Рэспублікі.


У Мінскай вобласці праходзяць сумесныя пасяджэнні прэзідыумаў раённых і гарадскога Саветаў дэпутатаў і выканаўчых камітэтаў па вылучэнні кандыдатаў у члены Савета Рэспублікі сёмага склікання.

Сумесныя пасяджэнні адбыліся ў дзевяці раёнах вобласці. У ліку тых, хто ў будучыні зможа прадстаўляць інтарэсы рэгіёна ў верхняй палаце парламента, начальнік галоўнага ўпраўлення юстыцыі Мінаблвыканкама Аляксандр Бачыла, дырэктар сярэдняй школы № 4 горада Маладзечна Каліна Капуцкая, старшыня Барысаўскага раённага аб'яднання арганізацый прафсаюза Алена Зяблікава.

Учора, 19 верасня, пасяджэнні прайшлі яшчэ ў трох раёнах: Валожынскім, Нясвіжскім і Стаўбцоўскім. 20 верасня яны адбудуцца ў Клецкім, Капыльскім, Салігорскім. У Любані, Старых Дарогах, Слуцку, Дзяржынску, Смалявічах, Пухавічах і Уздзе вылучэнне кандыдатаў адбудзецца 24 верасня, у Мінскім раёне — на дзень раней.

Адпаведна з заканадаўствам, Мінскую вобласць у Савеце Рэспублікі павінны прадстаўляць восем сенатараў. Членаў верхняй палаты парламента выберуць на пасяджэннях дэпутатаў мясцовых Саветаў базавага ўзроўню вобласці.

Таццяна ЛАЗОЎСКАЯ

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.