Вы тут

У Маладзечне канфіскавана буйная партыя кантрафактнага алкаголю


Позна ўвечары на аўтадарозе «Маладзечна-Нарач» у поле зроку экіпажа ДАІ трапіў мікрааўтобус «Volkswagen Transporter» белага колеру. Супрацоўнікі дарожнай міліцыі спынілі аўтамабіль для праверкі дакументаў, але як высветлілася пазней, тэм для размовы з кіроўцам у праваахоўнікаў аказалася нашмат больш, паведамляе МУС.


Кіраваў машынай 28-гадовы жыхар Маладзечна, індывідуальны прадпрымальнік. У ходзе праверкі дакументаў было ўстаноўлена, што на аўтамабілі не быў пройдзены тэхагляд. Вонкава мікрааўтобус моцна асеў пад цяжарам грузу, а знутры машына была пустая. Для далейшых разбораў кіроўца і аўтамабіль былі дастаўлены ў Маладзечанскі РАУС. Як высветлілася, не дарэмна.

У грузавым адсеку супрацоўнікі міліцыі выявілі самаробную схованку. Там кіроўца перавозіў 600 літраў 95-працэнтнага этылавага спірту. Алкагольная вадкасць транспартавалася ў 120 палімерных пластыкавых банках ёмістасцю 5 літраў кожная. Разбавілі асартымент кантрафакту 12 бутэлек гарэлкі «Нафта», не маркіраванай беларускімі акцызамі.

Па словах самога «спіртавоза», высакаградусны напой ён прывёз з Расіі для асабістых патрэб, да канчатковай кропкі маршруту - уласнай хаты - яму заставалася літаральна 1,5 км. Наколькі праўдзівыя такія тлумачэнні, у бліжэйшы час трэба высветліць праваахоўнікам.

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.