Вы тут

Гранты на экалагічнае навучанне прапануюць беларусам


Іх прапануюць дзесяці беларусам прадпрыемства «Аператар другасных матэрыяльных рэсурсаў» і рух «Мэта-99» у рамках кампаніі «Пакед, пакет». За тры месяцы ў цэнтры «Экастарт» студэнтаў навучаць, як прыбраць са свайго жыцця лішкі пластыку і шкодных адходаў.


Для большасці навучэнцаў вучоба платная. Каб стаць свядомым у трэндавым кірунку есо-frіеndlу спосабу жыцця і атрымаць магчымасць займацца бясплатна, неабходна да 22 верасня запоўніць анкету і апублікаваць у Іnstаgrаm здымак з любімай шматразовай сумкай для пакупак пад хэштэгам #покедпакет.

У ліпені арганізатары кампаніі «Пакед, пакет» правялі краудфандынг, дзе прапанавалі набыць экаторбу па цане пластыкавага пакета. Лот коштам адзін рубель складаўся з пяці шопераў розных формаў і памераў: ад мініяцюрнага клатча да торбы, у якую змесціцца 10-кілаграмовы кавун. За сем гадзін прадалі больш за тры тысячы сумак. Сабраныя грошы і пойдуць на гранты для дзесяці матываваных на экаадукацыю беларусаў.

— У школе мы ўсе вывучалі базавыя прадметы. Аднак мала хто выкарыстоўвае, напрыклад, матэматычныя веды, каб падлічыць, колькі лішняга пластыку ён выкарыстоўвае. Або ўзяць веданне моў — каб замяніць чарговы пакет прыстойным шматразовым «сінонімам»: авоська, шопер, заплечнік, — кажа Наталля ГРЫНЦЭВІЧ, дырэктар ДУ «Аператар другасных матэрыяльных рэсурсаў». — Мы рады дапамагчы ініцыятыўным маладым людзям атрымаць экалагічную адукацыю бясплатна за кошт грантаў ад краўдфандынг-акцыі, якая атрымала такі водгук сярод беларусаў.

Падчас навучання студэнтам прапануюць інфармацыйныя экскурсіі, жывыя інтэрактыўныя сустрэчы, размовы з экспертамі, анлайн-платформу для навучання і доступ да калекцыі матэрыялаў па ахове навакольнага асяроддзя. Любое ўласнае экалагічнае мерапрыемства ад навучэнцаў вітаецца і падтрымліваецца.

Ірына СІДАРОК

Загаловак у газеце: Тры тысячы экаторбаў за сем гадзін

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.