Вы тут

Інклюзіўны беларуска-расійскі праект "Бязмежныя магчымасці" прадставяць у Мінску


Беларуска-расійскі інклюзіўны праект "Бязмежныя магчымасці" прадставяць у Нацыянальным цэнтры сучасных мастацтваў 19 верасня, паведамілі БЕЛТА ў цэнтры.


"Назва "Бязмежныя магчымасці" выбрана не выпадкова. Яна сведчыць аб тым, што людзям творчым не перашкаджаюць фізічныя праблемы, а мастацтва - мова стасункаў, зразумелая і даступная ўсім, - адзначылі ў НЦСМ. - Выставу мы арганізуем разам з галерэяй АBart з Санкт-Пецярбурга. Адзін з галоўных напрамкаў яе дзейнасці - сацыяльна значныя праекты, галоўны з якіх - "Мы разам". Гэта праграмы для мастакоў з абмежаванымі магчымасцямі і выхаванцаў дзіцячых дамоў, адна з іх - "Бязмежныя магчымасці" - накіравана на супрацоўніцтва з мастакамі і арт-прасторамі за межамі Расіі".

На выставе будуць прадстаўлены скульптуры беларускіх аўтараў Валянціна Борздага, Уладзіміра Жбанава, Канстанціна Селіханава, Рыгора Пратасава, Уладзіміра Панцялеева, Аляксандра Фінскага з музейнай калекцыі Нацыянальнага цэнтра сучасных мастацтваў. У экспазіцыю ўвойдуць і тактыльныя карціны Васіля Зянько, які працуе ў стылі экалагічнага рамантызму. "Для сваіх тактыльных работ Васіль Зянько выбраў сем пункціраў беларускага паэта Алеся Разанава са зборніка 2018 года "Такая і гэтакі: талакуе з маланкай дождж", - расказалі ў цэнтры. - Мастак стварыў своеасаблівую жывапісную імправізацыю-парафраз з увядзеннем у прастору палатна вершаў, перакладзеных Марыяй Рудко на шрыфт Брайля ў выглядзе выступаючых кропак у верхнім левым вугле, што дае магчымасць людзям са слабым зрокам адчуць далонямі кожную лінію, кожны мазок пэндзля. А гэта важны крок у стварэнні безбар'ернага асяроддзя ў Беларусі".

Акрамя таго, будуць дэманстравацца работы расійскіх аўтараў, сярод якіх - майстар роспісу па дрэве Olga D'olen, жывапісец Настасся Славіцкая, якая пацярпела ў аўтамабільнай аварыі, і мастак Іван Галанічаў, які нарадзіўся з дэфектам рук.

Выставачны праект "Бязмежныя магчымасці" будзе працаваць па 19 кастрычніка.

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.