Вы тут

У Лёзненскім раёне пабудуюць ветрапарк


Каля 40 мільёнаў долараў замежных інвестыцый прыцягнута ў Беларусь для праекта па будаўніцтве ветрапарка

Наша краіна яшчэ на крок наблізілася да будаўніцтва найбуйнейшага ветрапарка і дасягнення мэты па ўкараненні аднаўляльных крыніц энергіі да 2030 года. Для інвеставання ў будаўніцтва ветраэлектрастанцый магутнасцю 25 МВт паблізу вёскі Веляшковічы ў Лёзненскім раёне Віцебскай вобласці была абраная турэцкая кампанія «Гурыш» (Gurіsh Constructіon & Engіneerіng Co. Іnc.) — сусветна вядомы распрацоўшчык экалагічна чыстых інжынерных рашэнняў.


Пасля ўзгаднення ўсіх неабходных дакументаў 30 жніўня адбылося падпісанне дагавора, згодна з якім агульны аб'ём інвестыцый у новы ветраэнергетычны парк павінен скласці каля 40 мільёнаў долараў ЗША.

«Дзякуючы праекту «Ліквідацыя бар'ераў для развіцця ветраэнергетыкі ў Рэспубліцы Беларусь» у нашу краіну прыходзяць прамыя інвестыцыі, накіраваныя на развіццё «зялёнай» эканомікі і аднаўляльных крыніц энергіі. Ветрапаркі зробяць наша навакольнае асяроддзе чысцейшым і паспрыяюць паляпшэнню якасці жыцця мясцовага насельніцтва», — адзначыў намеснік міністра прыродных рэсурсаў і аховы навакольнага асяроддзя Аляксандр КОРБУТ.

Праект міжнароднай тэхнічнай дапамогі «Ліквідацыя бар'ераў для развіцця ветраэнергетыкі ў Рэспубліцы Беларусь» рэалізуецца Мінпрыроды пры падтрымцы Праграмы развіцця ААН і Глабальнага экалагічнага фонду. Будаўніцтва ветрапарка плануецца пачаць у 2020 годзе, пасля таго як інвестар распрацуе падрабязную праектную дакументацыю.

Пасля завяршэння будаўніцтва ветраэлектрастанцыя «Веляшковічы» стане найбуйнейшым вытворцам энергіі з ветру ў Беларусі, які будзе пастаўляць экалагічна чыстую энергію ў больш чым 20 тысяч хатніх гаспадарак у гэтым раёне. Чакаецца, што эксплуатацыя ветрапарка на працягу наступных 20 гадоў дазволіць скараціць больш за 500 тысяч тон выкідаў CO2. Для забеспячэння эксплуатацыі і тэхнічнага абслугоўвання аб'екта будзе створана пяць новых працоўных месцаў. Будаўніцтва ветрапарка таксама забяспечыць работай мясцовыя будаўнічыя арганізацыі і пастаўшчыкоў абсталявання.

Між тым, як адзначаюць эксперты праекта, існуючыя тэмпы развіцця аднаўляльных крыніц энергіі (АКЭ) у нашай краіне досыць павольныя. На пачатак 2019 года іх доля ў валавым спажыванні паліўна-энергетычных рэсурсаў складала 6,2 %. Цяпер па ўсёй краіне працуюць 96 ветратурбін агульнай магутнасцю 100,95 МВт.

Маргарыта ДРАЗДОВА

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.