Вы тут

Убачыў свет зборнік беларускіх народных казак «Не сілай, а розумам»


Накладам у 1000 экзэмпляраў у «Мастацкай літаратуры» ўбачыў свет зборнік беларускіх народных казак «Не сілай, а розумам». Серыйная пазнака наступная — «Сямейнае чытанне».


Ва ўступным «Слове да бацькоў» чытаем: «Дарагія сябры! Вы разгарнулі цудоўную кнігу, выдадзеную ў межах сацыяльна-творчага праекта Беларускага саюза жанчын «Сямейнае чытанне». Гэты праект распачаты пры падтрымцы міністэрстваў інфармацыі і адукацыі Рэспублікі Беларусь. Яго мэта — садзейнічаць умацаванню маральных каштоўнасцяў сям'і і грамадства, узмацненню ролі чытання і кнігі ў выхаванні дзяцей і падлеткаў. Чытанне і кнігі — найвялікшыя каштоўнасці. З імі ў кожную сям'ю ўваходзяць найлепшыя спадарожнікі жыцця — імкненне да новых ведаў, працалюбства, узаемадапамога, жаданне рабіць сваё наваколле прыгожым і асэнсаваным».

Дванаццаць народных казак, кожная з якіх вучыць жыццёвай мудрасці і ўзвышае чалавека ў дарозе да вяршынь дабрыні і справядлівасці, выдатна праілюстраваны Надзеяй Барай, Віталем Дударэнкам, Уладзімірам Даўгялам, Марыяй Каратаевай, Аленай Каравай-Лойка, Андрэем Пазняком. Знаёмства з кнігай «Не сілай, а розумам» — гэта яшчэ і выключная асалода ад твора паліграфічнага, кнігавыдавецкага мастацтва.

— Мяркуем, што праект, прапанаваны да рэалізацыі Беларускім саюзам жанчын, — кажа дырэктар выдавецтва «Мастацкая літаратура» Алесь Бадак, — стане праектам, які пашырае прастору дзіцячага чытання. Да канца года ў серыі «Сямейнае чытанне» збіраемся выдаць яшчэ некалькі кніг. Спадзяёмся і на іх шырокую прэзентацыю ў школах і бібліятэках краіны.

Сяргей ШЫЧКО

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.