Вы тут

Прайшла выстава «Віцебшчына — за здаровы спосаб жыцця»


Сёлета традыцыйнае мерапрыемства адбылося дванаццаты раз. Сярод арганізатараў органы мясцовай улады, медыцынскі ўніверсітэт, аддзяленне Беларускай гандлёва-прамысловай палаты.


Намеснік старшыні Віцебскага аблвыканкама Уладзімір ПЕНІН, падкрэсліў, што ў нашай краіне робіцца ўсё, каб грамадзяне атрымлівалі сучасныя комплексныя медыцынскія паслугі. А ўстановы аховы здароўя ў пацвярджэнне гэтага пазнаёмілі з новымі тэхналогіямі і падыходамі ў прафілактыцы і лячэнні захворванняў.

І ўсё больш прыкладаў, што глыбінка падцягваецца да сталічнага ўзроўню. Толькі ў Прыдзвінскім краі больш за чатыры тысячы басейнаў, спартыўных комплексаў, стадыёнаў, іншых спартыўных збудаванняў. І амаль штогод здаюцца пасля частковага, капітальнага рамонту, мадэрнізацыі аб'екты фізкультуры і спорту.

Як заўсёды, на выстаўцы было чаму здзівіцца. Свае экалагічна чыстыя прадукты прэзентавалі вытворцы Віцебскай вобласці. Традыцыйна наведвальнікам спадабаліся дэгустацыі, віктарыны і конкурсы.

На выстаўцы можна было атрымаць кансультацыі педыятра, кардыёлага, эндакрынолага, алерголага, анколага, дэрматолага, задаць пытанні іншым так званым вузкім медыцынскім спецыялістам. Кожны мог прайсці экспрэс-абследаванне стану здароўя.

Перыядычна ў рамках выстаўкі арганізоўвалі розныя майстар-класы: ад скандынаўскай хады да догляду за скурай. Вучылі аказваць самадапамогу і дапамогу ў экстранных сітуацыях, напрыклад пры сімптомах інфаркту. Шмат ахвотных было навучыцца гімнастыцы для вачэй, кантраляванню рацыёну, методыкам псіхалагічнага самарэгулявання. Ды і атрымаць навык правільна чысціць зубы лепш позна, чым ніколі.

Сярод удзельнікаў былі прадстаўнікі ўстаноў адукацыі, пазашкольнай работы, спартыўных секцый. Бацькі гутарылі з трэнерамі, кіраўнікамі гурткоў мастацкай самадзейнасці, кансультаваліся з медыкамі і псіхолагамі наконт таго, чым лепш займацца дзецям.

Аляксандр ПУКШАНСКІ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».