Вы тут

Супрацоўнікі БДУ змогуць сумяшчаць банкаўскую карту і сваё пасведчанне


Унікальнае шматфункцыянальнае інтэлектуальнае пасведчанне супрацоўніка ўвялі ў БДУ. Першыя дакументы ўжо ўручаны спецыялістам падраздзяленняў ВНУ.


Новае пасведчанне сумяшчае сродак радыёчастотнай ідэнтыфікацыі высокага ўзроўню бяспекі дадзеных і міжнародную аплатную карту MasterCard з бесправадным інтэрфейсам. Новая тэхналогія забяспечвае прапускную сістэму на тэрыторыі ўніверсітэта і магчымасць абслугоўвацца ў любым пункце Фундаментальнай бібліятэкі. Акрамя таго, з дапамогай пасведчання можна разлічвацца ў інтэрнэце, бескантактава аплачваць праезд у метро і г.д.

Сумешчаны дакумент па фармаце не адрозніваецца ад звычайнай аплатнай карты. На адным баку змяшчаюцца звесткі пра супрацоўніка: яго фатаграфія, нумар пасведчання і банкаўскай карты. У верхнім правым куце размешчана сімволіка БДУ і Міністэрства адукацыі Беларусі, а ў левым - лагатып банка.

Укараненне шматфункцыянальнага пасведчання дазволіць зэканоміць фінансавыя сродкі за кошт адмовы ад выдачы стандартнага дакумента асобна ад аплатнай пластыкавай карты.

Новаўвядзенне з'яўляецца сумеснай інавацыйнай распрацоўкай цэнтра інфармацыйных тэхналогій БДУ і Белінвестбанка. Праект рэалізаваны ў рамках Стратэгіі лічбавай трансфармацыі БДУ, прынятай у 2018 годзе. За гэты перыяд у вядучай ВНУ таксама былі ўкаранёныя аўтаматызаваная сістэма “Рэйтынг ППС БДУ”, ​​шматфункцыянальны студэнцкі білет, сумешчаны з банкаўскай аплатнай картай, электронныя заліковая кніжка, часопіс куратара, расклад заняткаў, індывідуальны план выкладчыка, а таксама сістэма карпаратыўнай відэаканферэнцсувязі.

Надзея НІКАЛАЕВА

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.