Вы тут

Абраны найлепшы паштальён


З 11 па 13 верасня ў Мінскім раёне праходзіў XXІІІ Рэспубліканскі конкурс прафесійнага майстэрства работнікаў аб'ектаў паштовай сувязі. 42 работніцы з усіх абласцей і Мінска спаборнічалі за званне найлепшай на ўзроўні краіны.


На фінальны этап яны прыехалі з ужо выкананым хатнім заданнем. Яно рыхтавалася на тэму «Паслуга года» і было прысвечана самым перадавым і запатрабаваным у насельніцтва прапановам пошты. Удзельніцы таксама прэзентавалі свае рэгіёны з дапамогай малых архітэктурных формаў. Але, акрамя творчасці, трэба было прадэманстраваць свае веды і ўменні як на тэарэтычным іспыце, так і на практычным занятку.

Галіна Бараноўская працуе паштальёнам 5-га разраду ў аддзяленні № 7 у Мазыры. Яна сёлета стала найлепшай у краіне па сваёй прафесіі.

— Думаю, што мне вельмі пашанцавала. Перад рэспубліканскім этапам у нас жа яшчэ быў абласны, — згадвае жанчына. — Мы там паказвалі свае ўменні: абслугоўванне па сваім участку, выдачу пенсій, паштовых адпраўленняў... Здавалася б, на іспыце я раблю тое ж самае, што і кожны рабочы дзень, але вось такая прыемная нечаканасць здарылася. Працую я на пошце ўжо сем з паловай гадоў. Прыйшла сюды, таму што падабаецца быць у кантакце з людзьмі. Яны на маім участку вельмі добразычлівыя. Праўда, жылога сектара не так шмат — у маёй зоне абслугоўвання жыве каля 700 чалавек. Пажылыя людзі вельмі чакаюць лістоў ад сваіх сваякоў, якія жывуць у іншых краінах, толькі іх прыходзіць няшмат. Але затое вельмі актыўна перапіску вядуць арганізацыі.

Валяр'ян ШКЛЕННІК

Выбар рэдакцыі

Грамадства

Запусцілі найноўшы спецыялiзаваны комплекс для падрыхтоўкi судовых экспертаў

Запусцілі найноўшы спецыялiзаваны комплекс для падрыхтоўкi судовых экспертаў

Дзяржаўнаму камiтэту судовых экспертыз споўнiлася сем гадоў.

Грамадства

Як захаваць сэрца i сасуды здаровымi

Як захаваць сэрца i сасуды здаровымi

Адным з самых распаўсюджаных захворванняў у свеце з'яўляецца артэрыяльная гiпертэнзiя.

Грамадства

Валанцёр праекта «Дапамога бяздомным»: Цяпло i падтрымка нават праз ежу перадаюцца

Валанцёр праекта «Дапамога бяздомным»: Цяпло i падтрымка нават праз ежу перадаюцца

Яны кормяць гарачымi абедамi больш за сто чалавек, якiя апынулiся на абочыне жыцця.

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.