Вы тут

ІІІ Беларуская Трыенале графічнага дызайну прайшла ў Мінску


На ўваходзе згадка пра колеры Беларусі — праект дызайнера і мастака Міхала Анемпадыстава, высока адзначаны ў прафесійным асяродку: адметны, з сэнсам, а галоўнае — выдатнай ідэяй, якая сведчыць пра тое, як мастацтва можа служыць краіне. Далей — ідэі. Думкі ці хутчэй прапановы падумаць. У тым ліку і пра тое, як дызайн можа ўплываць на жыццё. З пачатку верасня ў Палацы мастацтваў аўтары чакалі водгукаў на свае праекты, прадстаўленыя ў межах ІІІ Беларускай Трыенале графічнага дызайну.


Юрый Тарэеў. «Чарнобыль».

Раз на тры гады дызайнеры паказваюць найлепшае, што напрацавалі ў розных жанрах. Тут канцэптуальныя праекты, плакаты, календары, кніжныя работы, манеты і аб'ёмныя кампазіцыі... Дызайн ёсць літаральна ва ўсім, ад утылітарных рэчаў, якімі можна карыстацца штодня, да з'яў, якія ствараюцца дзеля мастацтва. Але выстаўка, што ладзіцца раз на тры гады, — гэта своеасаблівы агляд таго, што ёсць, з думкай пра патэнцыял. Таму шмат якія творы можна было бачыць у іншых выставачных праектах альбо ў выніковай рэалізацыі. Тут работы вядомых аўтараў і моладзі, нават студэнтаў, якія прадстаўляюць свае праекты на актуальныя тэмы.

Вось што галоўнае для дызайну — актуальнасць. І цікава прасачыць, якія тэмы разглядаюць як актуальныя айчынныя крэатыўшчыкі. Праект «Малая радзіма» (Руслан Найдзён) — правераная актуальнасць. Тэма Чарнобылю (Юрый Тарэеў) — балючая актуальнасць. Тэма знішчэння людзей па нацыянальнай прыкмеце падчас Другой сусветнай вайны Уладзіміра Цэслера — гістарычная актуальнасць. Тэма Скарыны (адсылкі да яго ёсць шмат у якіх аўтараў, ад вобразу першадрукара да пошуку ў шрыфтах і ўвасаблення кніг, як у Канстанціна Вашчанкі) — нацыянальная актуальнасць, што асабліва важна. Таму што арганізатары імкнуліся прадставіць твар сучаснага графічнага дызайну Беларусі, каб даць магчымасць зразумець, ці мае ён прыкметы нацыянальнай ідэнтычнасці школы айчыннага дызайну, ці здольны ўбудоўвацца ў сусветныя тэндэнцыі. Куратар выстаўкі, старшыня секцыі графічнага дызайну Беларускага саюза мастакоў Сяргей Саркісаў лічыць, што паводле экспазіцыі можна гаварыць пра нацыянальны графічны дызайн.

Ён быў бы здольны зрабіць наша жыццё больш яркім, калі б увайшоў у прастору штодзённасці. Плакаты, буклеты, паштоўкі, маркі, распрацоўка фірмовых стыляў — гэта тое, у чым нашы спецыялісты маглі б праявіць сябе больш актыўна, прапаноўваючы не эстэтыку, а своеасаблівую гульню для розуму шляхам расшыфроўкі аўтарскіх вобразаў — мастацтва, якое мы пакуль недаацэньваем.

Ларыса ЦІМОШЫК

Выбар рэдакцыі

Спорт

«Людзі думаюць, што ўсёмагутныя і — разбіваюцца»

«Людзі думаюць, што ўсёмагутныя і — разбіваюцца»

Ці так небяспечны парашутны спорт, як здаецца на першы погляд?

Грамадства

Дзе знаходзяць падтрымку бацькі асаблівых малых?

Дзе знаходзяць падтрымку бацькі асаблівых малых?

Стаялі ў калідоры і ўспаміналі першыя крокі ў выхаванні сваіх асаблівых дзетак.

Культура

«Калі чалавецтва зноў паставіць перад сабой высокія пытанні, яно мяне ўспомніць»

«Калі чалавецтва зноў паставіць перад сабой высокія пытанні, яно мяне ўспомніць»

Пагутарылі з дачкой вядомага ўраджэнца Віцебска Лазара Хідэкеля.