Вы тут

Прэзідэнт узгадніў прызначэнне новых кіраўнікоў у пяці раёнах і двух гендырэктароў прадпрыемстваў


Прэзідэнт Беларусі Аляксандр Лукашэнка даў згоду на прызначэнне новых кіраўнікоў у пяці раёнах, перадае БелТА.


Анатоль Гапонік пасля працы на аналагічнай пасадзе ў Лельчыцкім раёне зойме пасаду старшыні Буда-Кашалёўскага райвыканкама.

У сваю чаргу Лельчыцкі раён узначаліць Сяргей Касінскі, які з'яўляецца старшынёй Лельчыцкага раённага Савета дэпутатаў.

Ратацыя адбудзецца таксама ў Шчучынскім і Лідскім раёнах. Старшыня Шчучынскага райвыканкама Сяргей Ложачнік узгоднены на аналагічную пасаду ў Лідскім раёне. Пасаду кіраўніка Шчучынскага раёна зойме першы намеснік старшыні райвыканкама Аляксей Садоўскі.

Кіраўнік дзяржавы таксама даў згоду на прызначэнне Андрэя Жайловича старшынёй Салігорскага райвыканкама. Да гэтага часу ён працаваў на пасадзе кіраўніка адміністрацыі Маскоўскага раёна Мінска.


Прэзідэнт даў згоду на прызначэнне новых генеральных дырэктараў у ААТ «Гомельшкло» і ААТ «Планар»

ААТ «Гомельшкло» узначаліць Пётр Максімчык, які да цяперашняга часу працаваў на пасадзе намесніка гендырэктара гэтага прадпрыемства па эканоміцы.

Генеральным дырэктарам ААТ «Планар» стане Сяргей Авакаў. Ён пяройдзе на гэтую працу з пасады дырэктара ААТ «КБТЭМ-ОМА».

Прэзідэнт пацікавіўся станам спраў на прадпрыемствах, колькасцю супрацоўнікаў і перспектывамі развіцця вытворчасцяў. У холдынг «Планар», у прыватнасці, цяпер уваходзяць пяць заводаў, дзе працуюць больш за 1 тыс. чалавек. На прадпрыемстве ёсць тры канструктарскіх бюро, яны сумешчаныя з вытворчасцю на адным з прадпрыемстваў.

Па словах Сяргея Авакава, прадпрыемства вырабляе канкурэнтаздольную прадукцыю. «У мінулым годзе адна з нашых установак нават была прызнана лепшай у свеце. Яна абыйшла амерыканскую і японскую ўстаноўкі. І мы паставілі яе на адно з перадавых прадпрыемстваў на Тайвані», - адзначыў новы кіраўнік «Планара».

«Прадпрыемствы ўсе вашы працуюць, людзі працуюць, не ў вымушаных адпачынках? Заробак атрымліваюць?» - пацікавіўся Прэзідэнт. Кіраўніку дзяржавы адказалі, што холдынг працуе стабільна, зарплата складае амаль Br1,5 тыс.

Прадпрыемства «Гомельшкло» Аляксандр Лукашэнка назваў асаблівым у сваім лёсе, як і «Планар». На заводзе працуюць каля 2 тыс. чалавек, магутнасці загружаны практычна на 100%, прадукцыя паспяхова рэалізуецца на рынках. Прэзідэнт папярэдзіў, што калі будзе наведваць Гомель, то абавязкова заедзе на гэтае прадпрыемства.

«Мы яго выцягвалі за вушы. Прадпрыемства вырабляе добрую прадукцыю, але ў мяне былі пытанні (інфармавалі адпаведныя людзі) па непаладках з бытавой сеткай. Зніжак ніякіх не будзе, - сказаў кіраўнік дзяржавы. - Вы ведаеце прадпрыемства, рабіце ўсё, каб яно працавала годна . Вам адступаць няма куды, кажу вам па-мужчынску».

Аляксандр Лукашэнка перасцярог кіраўнікоў прадпрыемстваў ад супрацоўніцтва з пасярэднікамі: «Ніколі не слухайце нікога, хто б да вас ні прыйшоў і ні сказаў, што ён ад імя Прэзідэнта. Ад імя Прэзідэнта толькі Прэзідэнт кажа. Усіх гэтых шарлатанаў на парог не пускайце - займайцеся рэалізацыяй прадукцыі самі. а то атрымліваецца: вырабіць якасна можам, а прадаць - за паўцаны. А жуллё рознае - пасярэднікі - па кішэнях раскладвае палову грашовых сродкаў. Гэтага не будзе!»

Па матэрыялах БелТА

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

«Разумныя» гарады. Як лiчбавiзацыя зменiць наша жыццё?

«Разумныя» гарады. Як лiчбавiзацыя зменiць наша жыццё?

Наступны этап — стварэнне разумных гарадоў.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.