Вы тут

У "Валоўшчыне" адкрыецца помнік загінулым падчас вайны чырвонаармейцам


Урачыстае мерапрыемства па адкрыцці помніка загінулым падчас вайны чырвонаармейцам адбудзецца заўтра на тэрыторыі вучэбнага цэнтра часцей Мінскага гарнізона «Валоўшчына». Гэта месца перапахавання дзесяці вайскоўцаў, што паклалі свае галовы падчас абароны Мінска ў чэрвені 1941 года.


26—28 чэрвеня 1941 года на подступах да Мінска ў раёне хутара Валоўшчына 64-я і 108-я стралковыя дывізіі вялі цяжкія баі. На іх месцы, дзе раней была прылеглая да навучальнага цэнтра ўнутраных войскаў лесапаласа, у 1960-я гады быў устаноўлены помнік з таблічкай «Невядомаму салдату ад воінаў-чэкістаў». На працягу многіх гадоў вайскоўцы в/ч 5448 даглядалі гэтую магілу.

Дзякуючы камандаванню ўнутраных войскаў і ветэранскай арганізацыі былі высветлены імёны пахаваных у няўлічанай магіле. Пазней помнік быў перанесены на тэрыторыю навучальнага цэнтра. У ходзе правядзення палявых пошукавых работ у чэрвені 2017 года вайскоўцы 52-га асобнага спецыялізаванага пошукавага батальёна вынялі астанкі дзесяці загінулых вайскоўцаў і пяць медальёнаў. 22 чэрвеня мінулага года адбылося ўрачыстае перапахаванне знойдзеных байцоў.

Дар'я ШЛАПАКОВА

Загаловак у газеце: Яны стаялі насмерць

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Грамадства

Санны рэйд. Як партызаны здзейснілі пераможную аперацыю на Палессі ў 1942-м

Санны рэйд. Як партызаны здзейснілі пераможную аперацыю на Палессі ў 1942-м

Сёлетняя зіма на снег, скажам прама, зусім небагатая. Але ў лютым і сакавіку 1942 года, калі пра глабальнае пацяпленне ніхто і не чуў, снегу было вельмі шмат.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.