Вы тут

З 2 да 8 верасня праходзіў камандны чэмпіянат Еўропы па шашках-100


З 2 да 8 верасня 2019 года ў К'янчана — Тэрме (Італія) праходзіў камандны чэмпіянат Еўропы па шашках-100 сярод мужчын і жанчын.


У праграме чэмпіянату ўсе спартсмены спаборнічалі ў хуткіх шашках, вокамгненнай і класічнай гульні. У гэтым камандным чэмпіянаце прымалі ўдзел каманды шашыстаў і шашыстак з Бельгіі, Беларусі, Італіі, Нідэрландаў, Польшчы, Украіны, Расіі і Чэхіі. За медалі змагаліся практычна ўсе наймацнейшыя на сённяшні дзень спартсмены! Нашу краіну прадстаўлялі дзве каманды: мужчынская ў складзе сталічных міжнародных гросмайстраў Яўгена Ватуціна і Аляксандра Булатава, а таксама міжнароднага майстра Аляксея Куніцы, і жаночая каманда ў складзе міжнароднага гросмайстра Вольгі Федаровіч і міжнароднага майстра Паліны Петрусёвай (абедзве спартсменкі сталічныя).

4 і 5 верасня прайшлі спаборніцтвы ў хуткай гульні (рапідзе) і ў вокамгненнай гульні (бліцы), дзе абедзве нашы зборныя каманды заваявалі сярэбраныя медалі. Жаночая каманда стала сярэбраным прызёрам у хуткай і вокамгненнай гульні, а таксама трэцяй у класічнай праграме. Мужчынская ж наша каманда стала сярэбраным прызёрам у хуткіх шашках (рапідзе) і бронзавым прызёрам у асноўнай класічнай праграме.

У цэлым выступленне абедзвюх нашых камандаў можна лічыць паспяховым, бо за медалі змагаліся моцныя еўрапейскія каманды шашыстаў, у першую чаргу каманды з Расіі і Нідэрландаў, Украіны і Італіі — заканадаўцы моды ў шашачным спорце. І ўсё ж мы, беларусы, выступілі годна, і гэта выдатна. Віншуем нашых спартсменаў і іх трэнераў з паспяховым выступленнем на чэмпіянаце Еўропы ў Італіі!

Яўген САЛАНОВІЧ, майстар спорту СССР па міжнародных і рускіх шашках

Выбар рэдакцыі

Культура

Мікалай Пінігін: Каб ведаў як, сам напісаў бы класную сучасную п'есу

Мікалай Пінігін: Каб ведаў як, сам напісаў бы класную сучасную п'есу

На рахунку рэжысёра і мастацкага кіраўніка Купалаўскага тэатра Мікалая Пінігіна больш за семдзесят спектакляў, і па некаторыя з іх хоць зараз ідзі на вуліцу Энгельса. 

Грамадства

Расказваем пра тое, як на Брэстчыне раней гатавалі варэнне і як гэта робяць цяпер

Расказваем пра тое, як на Брэстчыне раней гатавалі варэнне і як гэта робяць цяпер

Аказваецца, у нашых вёсках амаль да другой паловы ХХ стагоддзя не мелі звычкі нарыхтоўваць яго, не ведалі, як варыцца.

Спорт

Як у Бабруйску рыхтуюць будучых чэмпіёнаў

Як у Бабруйску рыхтуюць будучых чэмпіёнаў

Менавіта з Бабруйска выйшлі прызёры самых прэстыжных сусветных турніраў па веславанні, барацьбе, боксе, шахматах, лёгкай і цяжкай атлетыцы.

Грамадства

Прадпрыемствы ЖКГ займаюцца адловам беспрытульных жывёл. Але ці павінны яны гэта рабіць?

Прадпрыемствы ЖКГ займаюцца адловам беспрытульных жывёл. Але ці павінны яны гэта рабіць?

Летась у Мінскай вобласці адлавілі больш за пяць тысяч бадзяжных жывёл, толькі 203 з іх знайшлі свой дом. Толькі ўявіце сабе, як лічбы адлову павялічваюцца ў маштабах усёй краіны!