Вы тут

Увесь тыдзень будзе практычна без ападкаў і да +28 градусаў, а ў суботу пахаладае


Першая палова верасня працягвае нас радаваць практычна жнівеньскім надвор'ем, калі сярэднясутачная тэмпература на 2—4 градусы перавышае кліматычную норму, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Сіноптыкі адзначаюць, што так цёпла ў першай дэкадзе верасня ў нашай краіне бывае адзін раз на 10—15 гадоў. Сінаптычная сітуацыя застанецца роўнай аж да пятніцы. Цёплыя паветраныя масы будуць уплываць на ўмовы надвор'я, а фон атмасфернага ціску па-ранейшаму застанецца павышаны. Захаваецца воблачнасць, але дажджоў будзе мала. Сёлета ў многіх рэгіёнах краіны адзначаецца дэфіцыт ападкаў. Па паўднёвым усходзе краіны захаваецца высокая пажаранебяспека.

У сераду будзе пераважна без ападкаў, толькі ў асобных раёнах па поўначы краіны пройдуць кароткачасовыя дажджы. Уначы і раніцай месцамі чакаецца слабы туман. Вецер прагназуецца паўднёва-ўсходні, паўднёвы ўмераны. Тэмпература паветра ўначы складзе ад плюс 7 да плюс 14 градусаў, удзень будзе 20—26 цяпла, па паўднёвым усходзе — да плюс 28 градусаў.

Камфортнае надвор'е чакаецца і ў чацвер. У гэты дзень будзе пераважна без ападкаў, толькі месцамі па паўночна-заходняй частцы краіны пройдуць кароткачасовыя дажджы. Уначы і раніцай у асобных раёнах чакаецца слабы туман. Вецер прагназуецца паўднёвы ўмераны, удзень у паўночна-заходніх раёнах парывісты. Тэмпература паветра ўначы складзе 7—14 градусаў вышэй за нуль. Удзень будзе ад плюс 20 градусаў па паўночным захадзе да 28 градусаў цяпла па паўднёвым усходзе краіны. У пятніцу ўначы і раніцай месцамі чакаецца слабы туман. Вецер прагназуецца заходні ўмераны. Тэмпература паветра ўначы складзе 7—14 градусаў вышэй за нуль. Удзень будзе таксама цёпла — плюс 18—25 градусаў, па паўднёвым усходзе — да 27 цяпла.

Па папярэдніх прагнозах айчынных сіноптыкаў, у наступныя выхадныя сітуацыя ў атмасферы зменіцца. Спецыялісты заўважылі, што актывізуецца цыкланічная дзейнасць у Паўночнай Атлантыцы. У халодным паветры ўтворыцца цыклон, яго атмасферны фронт, ссоўваючыся цераз нашу краіну, стане адціскаць цёплае паветра за яе межы. Пачнецца пахаладанне. Змены адчуюцца ўжо ўначы ў суботу, тэмпература паветра ўначы складзе 6—12 цяпла, месцамі да плюс 14 градусаў. Удзень будзе ад плюс 13 да плюс 18 градусаў, па паўднёвым усходзе — каля 20 цяпла. У нядзелю стане яшчэ больш холадна.

Сяргей КУРКАЧ

Фота Ліны Малінінай

Загаловак у газеце: Апошнія дні амаль летняга цяпла

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.