Вы тут

Група “Чараўніцы” адзначыла 45-годдзе вялікім канцэртам у Мінску


Першы ў Беларусі дзявочы ВІА – “Чараўніцы” – адзначыў свой 45-гадовы юбілей. Свята прайшло на сцэне Палаца культуры Чыгуначнікаў у фармаце вялікага канцэрта “Чараўніцы назаўжды”. Прагучалі не толькі новыя песні, але і знаёмыя хіты: “Пах чабаровы”, “Зачараваная”, “Не за вочы чорныя” і іншыя.


         Цікава, што стваральнікам жаночага ансамбля быў мужчына, Генадзь Лятынскі. У 1971 годзе музычны кіраўнік выбраў папулярную на Захадзе канцэпцыю гёрл-бэнда -- дзявочай групы, але не той, якая проста спявае, ансамбль таксама граў інструментах. У Савецкім Саюзе быў толькі адзін канкуруючы ВІА з цалкам жаночым складам – «Дзяўчаты» Усяслава Лаўрова. Розніца крылася ў гучанні: калі “Дзяўчаты” выкарыстоўвалі балалайку з акардэонам, то кіраўнік “Чараўніц” Лятынскі быў вялікім прыхільнікам джаза і джаз-року. Эстрадныя і народныя песні на беларускай мове ў джазавай аранжыроўцы набывалі сапраўды непаўторныя гучанне і каларыт. Менавіта гэта гучанне застаецца візітнай карткай ансамбля і сёння.

         Павіншаваць калектыў з 45-годдзем прыйшлі паважаныя госці: першы намеснік міністра культуры Наталля Карчэўская ўручыла ансамблю ганаровую грамату Міністэрства культуры. Таксама ў дзень юбілею на сцэну разам з “Чараўніцамі” выйшлі сябры -- спявачкі Ядвіга Паплаўская і Ірына Дарафеева, група “Спадчына”, Яўген Курчыч, юныя мадэлі са школы моды ELEN fashion school.

         Ядзвіга Паплаўская адзначыла, што “Чараўніцы” з'яўляюцца такім жа брэндам Беларусі, як “Песняры” і “Верасы”:

–У свой час у філармоніі вывешвалі спіс лепшых калектываў, і першыя радкі ў ім стабільна займалі “Песняры”, “Верасы” і “Чараўніцы”, якія прыносілі самы вялікі даход, за кошт чаго падтрымлівалася, у тым ліку, і акадэмічная музыка.

         Разам з дзеючым складам на сцэну выйшлі і ранейшыя ўдзельніцы ВІА -- Надзея Мікуліч, дзякуючы якой у 2011 годзе пачалося адраджэнне калектыву, Людміла Навумовіч, Людміла Пасмурцева і Ганна Церахава.

         – Былых «чараўніцы» не бывае! – падкрэсліла малады дырэктар і салістка калектыву Паліна Базылева.

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам спецыялістам Нацбанка

Тонкае мастацтва дабрабыту. Складаем сямейны бюджэт разам спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.