Вы тут

Раім схадзіць


Імпрэза, «(Не) Мінскія гісторыі», літаратурны сняданак «Дык чаму ж Купала – геній?», мінскі паўмарафон, Wargaming Fest: Дзень танкіста і іншае - афіша «Звязды» з 9 па 15 верасня.


Лёгкаатлетычны матч Еўропа - ЗША

Дзе: Стадыён «Дынама», г. Мінск, вул. Кірава, 8

Калі: 9 верасня ў 17:30, 10 верасня ў 18:30

Колькі каштуе: 12-25 BYN

Упершыню ў гісторыі лёгкай атлетыкі адбудзецца Бітва кантынентаў! Гістарычны матч наймацнейшых сусветных зборных Еўропы і ЗША пройдзе 9-10 верасня 2019 года ў Мінску на абноўленым алімпійскім стадыёне «Дынама». Беларусь заваявала права правядзення гэтага грандыёзнага батла, на якім напярэдадні чэмпіянату свету ў лёгкаатлетычным паядынку сыдуцца наймацнейшыя лёгкаатлеты свету.

Больш за 25 000 гледачоў, звыш 60 краін вяшчання афіцыйным бродкастарам EBU (вытворцам Eurovision Song Contest), 300 адметных атлетаў, грандыёзнае шоу спорту ў новым сучасным фармаце - усё гэта ў самым сэрцы сталіцы Беларусі!

Праграма

Падрабязней - на сайце.


Інтэрактыўная выстава «Гульні розуму»

Дзе: Дом-музей I з'езда РСДРП, г. Мінск, пр-т Незалежнасці, 31а

Калі: з 6 верасня па 1 снежня, 11:00 - 19:00

Колькі каштуе: тэл. для даведак: 290-68-47

Фізіка, механіка, магнетызм - на першы погляд нам здаецца, што ўсё гэта даволі складана і далёка ад разумення, але менавіта ў гэтым музеі навука становіцца не толькі даступнай, але і займальнай.

Хіба не марыў кожны з нас правесці які-небудзь навуковы эксперымент, разгадаць дзясятак займальных галаваломак, даведацца, як працуе той ці іншы механізм і адкуль бярэцца электрычнасць? Мары спраўджваюцца! На выставе можна знайсці дзясятак унікальных галаваломак (галаваломкі «Робат», «Энігма», «Загадкі да Вінчы» і г.д.), электрофорную машыну, Маятнік Максвела, прыбор Ленсу і многае іншае.

У музеі-лабараторыі кожны наведвальнік зможа самастойна правесці свой уласны эксперымент, які апісвае той ці іншы закон фізікі, знайсці ключ да разгадкі серыі займальных галаваломак, а таксама даведацца імёны знакамітых беларускіх навукоўцаў і даследчыкаў ХІХ - пачатку ХХ стагоддзя. Час, праведзены ў музеі на «Гульнях розуму», - гэта выдатны спосаб адначасова развіваць лагічнае мысленне і з цікавасцю правесці вольны час!

На выставе экспанаты чапаць не толькі можна, але і трэба!

Дзеці дашкольнага ўзросту дапускаюцца на выставу толькі ў суправаджэнні дарослых!


Лекцыя «Упраўленне гневам. Практыкум»

Дзе: Музей мініяцюр Беларусі, г. Мінск, пр-т Незалежнасці, 25

Калі: 10 верасня, 19:00

Колькі каштуе: 15 BYN

Чаму мы злуемся? Калі гнеў дапамагае, а не разбурае? Як выказваць гнеў без разбурэнняў, віны і крыўды? Як абараніць сябе ад гневу іншага? 

Вы асвоіце прыёмы хуткай дапамогі пры гневе. Даведаецеся аб базавым і прасунутым узроўнях кіравання гневам у адносінах.

Лектар: Вольга Сяляўка, псіхолаг-арт-тэрапеўт, EMDR-тэрапеўт, практык медыяцыі, магістр псіхалогіі.


Выстава «Палеская элегія. Страчаная зямля»

Дзе: Нацыянальны цэнтр сучасных мастацтваў, г. Мінск, пр-т Незалежнасці, 47

Калі: 10-29 верасня, аўт-ндз: 12:00 - 20:00, пн: выхадны

Колькі каштуе: поўны - 5 BYN, льготны - 2 BYN

«Нас яшчэ не было, але быў лес.
Нас не будзе, але будзе лес».

Нацыянальны цэнтр сучасных мастацтваў на пр-це Незалежнасці, 47 адкрывае новы сезон выставай нямецкага мастака Германа Буса «Палеская элегія. Страчаная зямля».

Пачынаючы з 2015 года Герман Бус здзейсніў некалькі паездак у зону адчужэння Чарнобыльскай АЭС. Тут мастак убачыў не катастрафічны сцэнар канца свету, а толькі ціхую ўрачыстасць спустошанага свету, што працягвае існаваць і без чалавека, якому тут больш няма месца. Мастак прыходзіць да высновы: тое, што называецца «разбурэннем навакольнага асяроддзя», на самой справе з'яўляецца знішчэннем усяго чалавечага, прырода ж працягвае жыць сваім жыццём.

«Палеская элегія» пераносіць нас у шырокую прастору, мала для нас вядомую. Цэнтральная тэма, з якой працуе Герман Бус, - разбурэнне некалі гарманічнага сінтэзу паміж людзьмі, архітэктурай і прыродай. Наколькі хаты і вёскі ўпісваліся ў навакольнае асяроддзе, настолькі ж ціха яны і знікаюць. Гэта павольны, поўны меланхоліі працэс, ціхае развітанне.

Малюючы закінутыя беларускія дамы, дарогі, сцэны разбурэння з фатаграфічнай дакладнасцю, Герман Бус даводзіць гэтую рэальнасць да ілюзорнасці. У буйнафарматных, гіперрэалістычных малюнках ландшафтаў любая дэталь становіцца знакам. Найважнейшым з такіх знакаў для мастка з'яўляецца сіняя ці ярка-блакітная фарба - тая самая, якой у Беларусі фарбуюць старыя крыжы і агароджы на магілах, драўляныя дамы і платы. Апошнія сляды чалавека ў зоне адчужэння, адзначаныя яркай фарбай.

«Мы не птушкі, мы як старыя дрэвы, якія хочуць быць там, дзе іх карані» - у некаторых закінутых вёсках Герман Бус сустрэў адзінокіх пажылых людзей, якія вярнуліся ў зону адчужэння, таму што не змаглі вынесці жыцця на новым месцы. Карціны Германа Буса паказваюць, як чарнобыльская катастрофа 26 красавіка 1986 года змяніла зямлю і людзей.

«Палеская элегія» - гэта падарожжа нямецкага мастака ў іншы для яго пейзаж, у іншую культуру, пра якія мы таксама зможам больш даведацца дзякуючы гэтаму погляду звонку.

Праект рэалізаваны сумесна з эвангеліцка-лютэранскай царквой Гановера і Гомельскім абласным дабрачынным фондам «Здароўе дзяцей».


«(Не) Мінскія гісторыі»

Дзе: Літаратурны музей Максіма Багдановіча, г. Мінск, вул. М. Багдановіча, 7А

Калі:13 верасня, 19:00

Колькі каштуе: уваход вольны

Кожны год у верасні святкуецца Дзень горада: Мінску сёлета -  952! Літаратурны музей Максіма Багдановіча прапануе незвычайна правесці 13 верасня і адзначыць гэтае свята.

Для Максіма Багдановіча Мінск быў родным горадам, бо ён у ім нарадзіўся, і адначасова невядомым, бо паэт жыў у цяперашняй сталіцы зусім непрацяглы час.

«(Не) мінскія гісторыі» - гэта паэтычна-музычная імпрэза, дзе выступоўцы не толькі падзеляцца сваёй творчасцю, а яшчэ распавядуць асабістыя гісторыі, звязаныя са сталіцай. «Панаехаўшыя супраць мінчукоў» - у такім фармаце пройдзе мерапрыемства: адныя паэты і музыкі раскажуць, як заваёўвалі галоўны горад краіны, іншыя - як раслі і пачыналі свой творчы шлях.

У камандзе «панаехаўшых»: паэт Віталь Рыжкоў, спявачка LEAR (Валерыя Суравіцкая) і паэтка Юля Цімафеева. «Мінчукоў» будуць прадстаўляць паэт Антон Рудак, блюзмэн Юрась Ускоў і паэт Андрэй Адамовіч.

Уваход на імпрэзу вольны! 


Літаратурны сняданак «Дык чаму ж Купала – геній?»

Фота Яны Сабінай, «Белкніга»

Дзе: Кафе Філіні, г. Минск, ул. Інтэрнацыянальная, 36

Калі:14 верасня, 10:00

Колькі каштуе: 30 BYN

14 верасня ў 10:00 ў кафэ Feelini літаратуразнаўца Ганна Севярынец правядзе першы літаратурны сняданак «Дык чаму ж Купала – геній?».

Паспрабуем разабрацца ў сакраментальным школьным пытанні: дык што ж такога ёсць у вершах Янкі Купалы, што яго лічаць нацыянальным геніем? Альбо гэта проста ад безвыходнасці – маўляў, іншых жа няма? Ці заўсёды Купала пісаў пра мужыка, жнейку, жалейку і «Хто там ідзе»? Хто быў зацікаўлены ў тым, каб мы і па сёння задаваліся непрыемнымі пытаннямі пра найпершага са сваіх паэтаў? А таксама даведаемся, якія творы Купалы і па сёння забаронены, а што не знойдзена, а што – не ўключана ў поўны збор твораў, а што – не трапляе ў школьныя падручнікі.

Прынясем на занятак пяць вершаў Купалы, якія нам падабаюцца – і разбярэмся, ці лёгка было нам гэта зрабіць.

Інфармацыя пра лектара

Ганна Севярынец – педагог, літаратуразнаўца, пісьменнік. Аўтар кніг «Дзень святога Патрыка» і «Гасцiнiца Бельгiя».


Гранд Кірмаш у Палацы Радзівілаў

Дзе: Замак Радзівілаў, г. Нясвіж

Калі:14-15 верасня, 11:00

Колькі каштуе: 2,00 BYN - уваход на кірмаш, 16,00 BYN - уваход на кірмаш і ў экспазіцыю, 30,00 BYN - уваход на кірмаш, у экспазіцыю, удзел у квэсце і пачастунак

Гранд кірмаш адбудзецца ў цэнтральным двары Палацавага ансамблю.

Нацыянальны гісторыка-культурны музей-запаведнік «Нясвіж» і MuzzicDom запрашаюць усіх на свята кірмашовае, якое перанясе ў 20-30-я гады мінулага стагоддзя. З усіх бакоў люд сцякаецца купіць-прадаць-пагуляць-паглядзець. Шум-гам ад гулу, музыкі, забаваў і танцаў. Вось так і будзе 14 і 15 верасня ў палацы Радзівілаў!

На ГРАНД-КІРМАШЫ вас чакаюць:

  • Сустрэча з гаспадаром Палаца Князем Альбрехтам Радзівілам і яго дачкой Эльжбетай.
  • Майстры з усёй Беларусі прадставяць кераміка, саламяныя рэчы, лазовыя прылады, драўляныя, тканыя вырабы і нават металічныя — ліццё і кованка, мыла і шмат-шмат усяго для побыту і дабрабыту.
  • Фермеры і гастраэнтузіясты са свежым хатнім хлебам, салам, слімакамі, агароднінай, незвычайнымі марынадамі, духмянымі супамі з гарбуза, вяленымі слівамі, травянымі гарбаткамі, сырамі, пасцілой і іншымі прысмакамі для дарослых і дзяцей.
  • Рэтра-этна-эксклюзівы ад пана Мар’яна Янушкевіча і легальная кантрабанда напояў ад мясцовых і амерыканскіх бутлегераў.
  • Майстар-классы, аўкцыёны, гульні і забавы.
  • Вучоныя сабакі і атмасферныя рэтра-фотазоны.
  • Квэст кантрабандыстаў.
  • Музычная праграма ад шэфа ГРАНД-КІРМАША Віктара Шалкевіча і яго клезмер-джаз-бэнда.

Вітаюцца элементы дрэс-кода ў стылі 20-30-х гадоў ХХ стагоддзя!

Тэлефоны музея: 8(029)5518051, 8(029)1903149


Фестываль традыцыйнай музыкі «Rajok»

Дзе: Нацыянальны гістарычны музей, г. Мінск, вул. К. Маркса, 12

Калі:14-15 верасня, 12:00

Колькі каштуе: 8-15 BYN

Cяржук Доўгушаў і каманда «Tradycyja» пры падтрымцы Нацыянальнага гістарычнага музея ствараюць свой адметны фольк-фестываль, якi пройдзе 14-га і 15-га верасня ў дворыку музея па вул. Карла Маркса, 12.

«Rajok» – гэта пераход з лета ў восень; вобраз, які выкарыстоўваецца ў беларускіх жніўных песнях. «Хадзі Раёк у наш дварок!».

Спадар Доўгушаў і каманда «Tradycyja» прымалі ўдзел у арганізацыі розных канцэртаў і фестываляў. Адзін з яскравых прыкладаў – арганізацыя музычных і забаўляльных пляцовак на фестывалі «Камяніца». Арганізатары фэсту беларускай традыцыйнай музыкі «Rajok» ставяць сваёй мэтай пазнаёмiць шырокае кола слухачоў з самымі яскравымі прыкладамі беларускай фольк-музыкі: ад аўтэнтычных носьбітаў традыцыі да сучасных этна-выканаўцаў.

Для таго, каб фэст адбыўся, арганізатары збіраюць грошы на краўфайдынгавай платформе Ulej.by. Кожны жадаючы можа ахвяраваць любую суму і атрымаць за гэта квіткі на фестываль і іншыя цікавыя бонусы і падарункі.

Праграма фестывалю

14 верасня

  • конкурс маладых фальклорных калектываў;
  • мона-спектакль лідара гурта «Троіца» Івана Кірчука «Дарожка»;
  • канцэрт аўтэнтычных калектываў: сёстры Лук’яновіч з Палесся, мужчынскі гурт «Рада», полацкі гурт «Варган», капэля «Колісьнія» і іншыя;
  • сучасныя этна-гурты Vuraj, Re1ikt і H.S.P.

15 верасня

  • майстар-класы па гранню на народных інструментах: дудка, гармонік, барабан, скрыпка;
  • дзіцячая праграма з інтэрактывам, песнямі і гульнямі;
  • унікальны канцэрт беларускіх лірнікаў;
  • выступ калектываў з самых глыбін Палесся: «Хатовічы», «Церабяначка», «Вытокі» і іншыя;
  • свята габрэйскіх песень і танцаў «Zingeray»;
  • прэзентацыя кнігі-CD «Бяседныя песні» праекта «Tradycyja» з сапраўдным застоллем, спевамі і яскравымі фольк-калектывамі;
  • вечарына народных танцаў.

Акрамя гэтага, усіх чакае традыцыйная беларуская кухня, выставы і іншыя актыўнасці.

Кошт уваходнага білета:

8 BYN – для дарослых на адзін дзень фестываля
5  BYN – для школьнікаў, студэнтаў, пенсіянераў на адзін дзень фестываля
15 BYN – для дарослых на два дні фестываля
10 BYN – для школьнікаў, студэнтаў, пенсіянераў на два дні фестываля


Мінскі Паўмарафон

Дзе: Палац спорту, г. Мінск, пр-т Пераможцаў, 4

Калі: 15 верасня, 09:00

Колькі каштуе: кошт рэгістрацыі ад 12 да 75 BYN

Мінскі паўмарафон - падзея маладая. Першае спаборніцтва прайшло ў 2013 годзе ў свята горада. Гэты вопыт аказаўся ўдалым, і было вырашана зрабіць гэтае мерапрыемства традыцыйным: у Дзень горада Мінска, у першыя выхадныя верасня, горад адзначае яшчэ і свята спорту і здароўя, збіраючы на ​​сваіх цэнтральных праспектах і вуліцах прафесіяналаў і аматараў бегу.

У 2015 годзе ўпершыню Мінскі паўмарафон сабраў больш за 16 000 удзельнікаў. У 2016 годзе Мінскі паўмарафон сабраў больш за 20 000 удзельнікаў. У 2017 годзе Мінскі паўмарафон сабраў больш за 30 000 удзельнікаў, і ўжо ў мінулым, 2018 годзе траса Мінскага паўмарафон ўбачыла больш за 35 000 аматараў бегу з 53 краін свету!
Пачаць забег на праспекце Пераможцаў, павярнуць на праспект Незалежнасці, зрабіць круг у абеліска Перамогі, прабегчы міма галоўных славутасцяў... Мінскі паўмарафон - гэта яшчэ і ўнікальная магчымасць убачыць Мінск з незвычайнага боку: калі яшчэ выдасца магчымасць зрабіць размінку пасярод цэнтральнага праспекта?

Беларуская федэрацыя лёгкай атлетыкі аб'явіла пра старт рэгістрацыі на Мінскі паўмарафон - 2019. Забег пройдзе 15 верасня, а ў залежнасці ад узроўню падрыхтоўкі можна выбраць адну з трох дыстанцый: 5,5 км, 10,55 км і 21 км. Прызавы фонд паўмарафону вырас у параўнанні з мінулым годам на 10 тысяч долараў і складзе рэкордныя 60 тысяч даляраў.

Кошт рэгістрацыі пачынаецца ад 12 рублёў - для дыстанцыі 5,5 км пры запаўненні заяўкі да 7 мая. Максімальная цана - 75 рублёў пры рэгістрацыі за дзень да старту на максімальнай.

Зарэгістравацца можна на сайце.


Wargaming Fest: Дзень танкіста

Дзе: Парк Перамогі, г. Мінск, Парк Перамогі

Калі: 15 верасня, 14:00

Колькі каштуе: бясплатна

WG Fest: Дзень танкіста - новы ўзровень святаю. Два святы ў адным: кампанія Wargaming аб'яднала знакаміты танкавы фестываль з WG Fest.

100 гектараў забаў, больш за 200 тысяч гасцей і сотні кілават гуку для выступу хэдлайнераў - такім абяцае стаць самы буйны сямейны фестываль у Еўропе - «WG Fest: Дзень танкіста». Свята ў мінскім парку Перамогі на Дзень танкіста, які стаў за апошнія два гады адным з самых папулярных мерапрыемстваў у жыхароў сталіцы Беларусі, у 2019 годзе выйдзе на новы ўзровень, аб'яднаўшыся з WG Fest - фестывалем аматараў гульняў Wargaming, якія раней праводзіліся ў Маскве.

Цэнтрам прыцягнення ўсяго свята стане галоўная сцэна, дзе пройдуць ключавыя падзеі дня. Тут выступяць гурты «Крамбамбуля», «Воплі Відаплясава», «Зверы» і The Offspring. Акрамя таго, на галоўнай сцэне можна будзе ўбачыць «Кланавы суперкубак», прэзентацыю World of Tanks і святочны феерверк.

Паралельна на велізарнай тэрыторыі парка будуць адкрыты розныя зоны з актыўным.

Для ўсёй сям'і

«Wargaming Fest: Дзень танкіста» - гэта па-сапраўднаму сямейны фестываль, таму арганізатары падрыхтавалі самыя розныя актыўнасці, зоны і фуд-корты, каб кожны член сям'і знайшоў нешта да спадобы.

Акрамя таго, госці фестывалю змогуць наведаць пляцоўкі партнёраў мерапрыемствы і не толькі цікава правесці час, але і атрымаць прызы.

На пляцоўцы Міністэрства абароны, якую можна будзе даведацца па сапраўднаму танку, пройдуць конкурсы для ўсёй сям'і, адбудуцца выступленні кінолагаў са службовымі сабакамі, а ў завяршэнне выступіць ўзорна-паказальны аркестр Узброеных Сіл, які гастралюе па ўсім свеце.

  • На Volkswagen Game Station можна будзе згуляць прама ў салоне самага вялікага аўтамабіля Volkswagen. Лепшы баец па выніках дня атрымае спецыяльны прыз.
  • На фестывалі можна будзе пракаціцца на яхтах, прадастаўленых сэрвісам «Яндэкс Таксі».
  • Адной з унікальных зон у парку стане сэлф-вышка ад брэнда HONOR.
  • Для юных гасцей фестывалю кампанія «Палессе» падрыхтавала велізарную гульнявую зону ў 300 квадратных метраў.

Для людзей з абмежаванымі магчымасцямі

Як і на ўсе мерапрыемствы Wargaming, госці на калясках могуць трапіць на фестываль без чаргі. Каб глядзець канцэрт было камфортна, арганізатары прадугледзелі спецыяльны пандус перад сцэнай. У зоне кампаніі Caterwil пройдзе «Танкатлон».

Таксама на тэрыторыі парку прадугледжаны спецыяльныя біятуалеты.

Для гульцоў

З 14:00 да 20:00 на фестывалі будзе працаваць самая вялікая пляцоўка відэагульняў пад адкрытым небам у Беларусі - больш за 200 гульнявых станцый. Тут можна будзе згуляць у любімыя гульні Wargaming і атрымаць прызы.

На галоўнай сцэне «Wargaming Fest: Дзень танкіста» адбудзецца матч «кланавага суперкубка» паміж лепшымі кланавымі камандамі RU- і EU-рэгіёнаў. Адразу 30 гульцоў сыдуцца на поле бітвы, каб пазмагацца за прызавы фонд у памеры за 40 000 $ і каштоўныя падарункі ад партнёраў мерапрыемства.

Для самых заўзятых прыхільнікаў гульняў Wargaming на фестывалі будзе арганізавана асобная зона павышанага камфорту «Прэміум-ангар». Тут будуць знаходзіцца сцэна для выступаў распрацоўшчыкаў, гульнявая зона на 100 кампутараў, а таксама спецыяльная зона для ўдзелу ў бітвах ў World of Tanks Blitz і «World of Tanks: Найміты», свой фуд-корт, дадатковы WG Shop і шмат іншых актыўнасці. Колькасць месцаў у «Прэміум-ангары» абмежаваная. Даведацца падрабязнасці пра тое, як патрапіць у зону падвышанай камфорту на фестывалі, можна тут!

У 14:00 стартуе буйны міжнародны турнір «Сталёвы паляўнічы: турнір блогераў», дзе 20 блогераў пазмагаюцца за суперпрыз.

Падрабязнасці па спасылцы.

Выбар рэдакцыі

Культура

«Звязда» з'ездзіла на кінафестываль Żubrоffkа

«Звязда» з'ездзіла на кінафестываль Żubrоffkа

Раім вам у наступным годзе адправіцца туды самім.

Культура

Мастачка Алеся Скарабагатая: Няма мэты падабацца

Мастачка Алеся Скарабагатая: Няма мэты падабацца

Імя мастачкі гучыць усе пяць гадоў правядзення «Асенніх салонаў».

Спорт

Спартсмен Валерый Макарэвіч: Мара ў мяне адна — стаць прафесіяналам сваёй справы

Спартсмен Валерый Макарэвіч: Мара ў мяне адна — стаць прафесіяналам сваёй справы

Як варатар зборнай Беларусі па пляжным футболе сумяшчае гульню з роляй настаўніка і бацькі.  

Калейдаскоп

Вясёлыя гісторыі чытачоў

Вясёлыя гісторыі чытачоў

Языку дай волю..., Хвалі дзень вечарам, Людзі — добрыя.