Вы тут

«Пакуль для моладзі не будуць створаны ўмовы, максімальна набліжаныя да гарадскіх, на вёсцы будзе дэфіцыт кадраў»


Паміж Кобрынскім райкамам прафсаюза аграпрамысловага комплексу і ўпраўленнем сельскай гаспадаркі і харчавання падпісана пагадненне. Сацыяльныя партнёры разам вырашаюць шырокі спектр пытанняў. Гэта і стварэнне для сельскіх працаўнікоў належных і бяспечных умоў працы і быту, арганізацыі культурнага адпачынку. Але, бадай, самая галоўная роля прафсаюза — абарона правоў і законных інтарэсаў тых, хто працуе на сяле. Шмат увагі аддаецца і маладым спецыялістам, работнікам.


— Мы разумеем, што пакуль для моладзі не будуць створаны ўмовы, максімальна набліжаныя да гарадскіх, да таго часу на вёсцы будзе адчувацца дэфіцыт кадраў. Бо анкетаванне паказвае: маладым акрамя дастойнай зарплаты, патрэбны належны адпачынак, сацыяльныя і забаўляльныя, культурныя аб'екты, каб грошы можна было не толькі зарабляць, але і з карысцю іх траціць, — кажа старшыня райкама прафсаюза АПК Васіль Лазарчук.

І, вядома, не забываюць у раёне ўшаноўваць найлепшых працаўнікоў. Сёлета падчас жніва райкам прафсаюза ўзнагародзіў дваццаць чалавек. У асноўным уручалі сертыфікаты. І гэта апраўдана: кожны зможа набыць у краме тое, што лічыць неабходным для дома, гаспадаркі.

Дадам, што ў раёне разам з рознымі службамі, падраздзяленнямі аддаецца шмат увагі ахове працы. І, як вынік, агульнымі сіламі ўдалося выключыць траўматызм у сельскай вытворчасці.

Таццяна ЛАЗОЎСКАЯ

Загаловак у газеце: Зарабляць і траціць з карысцю

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.