Вы тут

Дайджэст спартыўных навін


Азаранка і Барці — у парным фінале US Open

Вікторыя Азаранка і Эшлі Барці выйшлі ў фінал аднаго з прэстыжных турніраў Вялікага шлема — парнага разраду адкрытага чэмпіянату ЗША па тэнісе.

У паўфінале беларуска і аўстралійка не пакінулі шанцаў яшчэ адной беларусцы Аляксандры Сасновіч і славачцы Вікторыі Кужмавай — 6:0, 6:1. Саперніцы першых фіналістак жаночых пар вызначыліся ўчора ўвечары ў другім паўфінале: Арына Сабаленка і бельгійка Эліз Мертэнс сустракаліся з амерыканскім дуэтам Кэралайн Даўлхайд/Ваня Кінг.


Яшчэ трое беларусаў возьмуць удзел у матчы Еўропа — ЗША

Тры беларускія спартсмены папоўнілі каманду Еўропы перад лёгкаатлетычным матчам Еўропа — ЗША, які пройдзе 9—10 верасня на Нацыянальным стадыёне «Дынама».

Віталь Парахонька змяніў у складзе зборнай немца Грэгара Трабера ў бегу на 110 м з бар'ерамі. Кацярына Карняенка выйдзе на старт дыстанцыі 3000 м. У бегу на 800 м
выступіць Юлія Кароль, якая нядаўна вярнулася ў спорт пасля нараджэння дзіцяці.

Чакаецца, што ўдзел у матчы Еўропа — ЗША возьме каля 350 атлетаў, з іх у зборнай Еўропы выступяць 14 нашых суайчыннікаў. Агульны прызавы фонд складзе
818 тысяч еўра. Пераможца спаборніцтваў у кожнай дысцыпліне атрымае 7 тысяч еўра, сярэбраны прызёр — 5 тысяч, бронзавы — 4 тысячы. Eurovіsіon Sport выкупіў правы на вяшчанне і будзе трансляваць матч па ўсёй Еўропе. Анлайн-трансляцыя будзе весціся на тэлеканалах NBCSN і NBC Sports Gold у ЗША.


Мінск прыме яшчэ адзін чэмпіянат свету

Сталіца Беларусі ў 2021 годзе стане гаспадаром яшчэ аднаго буйнога міжнароднага турніру — чэмпіянату свету па сучасным пяціборстве.

Такое рашэнне было прынята ў Будапешце выканаўчым саветам Міжнароднага саюза сучаснага пяціборства. Планетарны форум пяціборцаў пройдзе ў беларускай сталіцы ўпершыню. Раней у 2015 годзе Мінск прымаў фінальны этап Кубка свету, а ў 2017-м паспяхова правёў чэмпіянат Еўропы.

Іван КУПАРВАС

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам спецыялістам Нацбанка

Тонкае мастацтва дабрабыту. Складаем сямейны бюджэт разам спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.