30 верасня, серада

Вы тут

Першы «МакДональдс» адкрыўся ў Брэсце


Міжнародная сетка рэстаранаў хуткага харчавання McDonald's адкрыла свой першы рэстаран у Брэсце напярэдадні святкавання тысячагоддзя горада. Карэспандэнт «Звязды» стаў відавочцам падзеі.


Пра планы беларускага франчайзі МакДональдс працягнуць развіццё сеткі ў рэгіёнах стала вядома яшчэ ў мінулым годзе. Абласны цэнтр на паўднёвым захадзе краіны быў планам нумар адзін.

Будаўніцтва рэстарана доўжылася максімальна кароткі тэрмін. Фактычны старт работ адбыўся ў чэрвені гэтага года.

Поўнасцю завяршыць будаўніцтва плануюць у лістападзе, але прыняць першых кліентаў рэстаран быў гатовы ўжо сёння. Пакуль што не паспелі пабудаваць вялікую дзіцячую пляцоўку і трэнажоры для воркаўту.

Рэстаран у Брэсце стаў 16-м аб'ектам сеткі ў Беларусі. Уладальнікі прызнаюцца, што брэсцкі «Мак» з'яўляецца адным з найбольш тэхналагічных і інавацыйных. Кліенту даступны розныя варыянты замовы прадукцыі: каса або кіёск самаабслугоўвання, наяўныя або банкаўская картка, абслугоўванне за столікам або звыклы для фармату фастфуд takeaway. Для аматараў смачнай кавы і дэсертаў працуе McCafé. Для аўтааматараў даступны фармат McDrive. Інвестыцыі ў новы аб'ект склалі каля 2 мільёнаў долараў.

Дастаўка ежы будзе даступная з 9 верасня праз сэрвіс menu.by.

Дзмітрый СУГАНЯЕЎ

Фота аўтара

Выбар рэдакцыі

Грамадства

Злачыннае «паляванне». Як абаранiць сябе ад «аматараў чужой маёмасцi»?

Злачыннае «паляванне». Як абаранiць сябе ад «аматараў чужой маёмасцi»?

Валоданне нейкiмi рэчамi азначае i тое, што на iх могуць паквапiцца староннiя. Няма рознiцы, што гэта — мабiльны тэлефон, сумачка цi бензатрымер. 

Грамадства

Ветэран патрульна-паставой службы міліцыі расказвае пра службу ў 90-я гады

Ветэран патрульна-паставой службы міліцыі расказвае пра службу ў 90-я гады

Служба гэтая вельмi напружаная — трэба пастаянна быць у курсе ўсяго, што адбываецца на тэрыторыi даручанага раёна, трымаць кантакт з мясцовымi жыхарамi.